විනාඩි දාහක් නොමිලේ
දුන්නත් ඩයලොග් එක මට
කරන්න කිසිවක් මට නැත
අමතන්නට කෙනෙකුත් නැත
කලෙමි කල්පනා දසතේ
හෙව්වා අංකත් හැමතැන
සිහිවී බිව් කිරි කඳුලක්
කථා කරමි ඇයට උතුම්
ඇයටත් ඇත්තේ ඩයලොග්
එනමුත් ගන්නෙ නැත මං
කුමක් වුනාදැයි නොදනිමි
කාර්‍ය බහුල වුනා නොවෙද
මතක් වුනත් මගෙ කරුමෙට
ඇය නිදනා මේ යාමෙට
ගත්තොත් ඇගෙ දැහන බිඳෙයි
කියනා මුත් මගේ පුතේ
හිතා ගතිමි දහස් වරේ
අමතන්නට ඇය නිරතුරු
තිබුනත් දහසක් කටයුතු
එනමුත් වරදී බොහො විට
නොසැලකිල්ල නොසැලකිල්ල
කරතී චෝදනාව ඔබ
නෑ වන්නේ මා එරෙහී
අනේ මගේ නොසැලකිල්ල
පින්තූරය : http://www.webmd.com
ප: ලි: මෙය ඩයලොග් වෙලඳ දැන්වීමක් නොවේ.
නොසැලකිල්ලමත් නෙවේ. සමහර වෙලාවට මටත් ඕක වෙනව.
ReplyDeleteකමෙන්ට් එකට ස්තූතියි රාජ්. මම හිතුවා මේක මට විතරක් වෙන දෙයක් කියලා. අද අම්මාවරුන්ගේ දිනයළු. ඒත් මම ඒ වග දන්නවනම් මේක ඊයේ පෝස්ට් නොකර ඉන්නවා. අර දොඩම්පහල රාහුල හාමුදුරුවෝ කියනවා වගේ බටහිර එවුට අම්මලා වෙනුවෙන් වැය කරන්න පුළුවං එක දවසක් වුනාට අපිට හැම දවසකම අපේ අම්මලා තාත්තලා වෙනුවෙන් කැප කරන්න පුළුවං කියන එක මාත් විශ්වාස කරන නිසා.
ReplyDeleteඇත්තටම මටත් ඔහොම වෙනවා සහෝ....
ReplyDelete:O ඇත්ත මීට වඩා සැලකිලිමත් වෙන්න වෙනවා අම්මා සම්බන්දයෙන්
ReplyDeleteඅපේ මේ රාජ් ඇන්ඩ් Raj හරියට් Thompson & Thomson වගේ. දෙන්නටම හිතෙන්නේ එකම විදියටනේ.
ReplyDeleteඇත්ත නිශාන් මලයෝ. සැලකිල්ල නැතුව නොවෙයි. මම කිව්වේ වෙන දේ.
අමතක වෙන්න හොදම නැති ඇමතුමක්.. නොසැලකිල්ල තමයි :)
ReplyDeleteසිතිවිල්ල කවි කල හැටි අපූරුයි :)