පසුගිය සෙනසුරාදා(මෙය ලියා දින කිහිපයක් වනවා. මෙයින් අදහස් කරන්නේ පසුගිය 27 වන සෙනසුරාදා දිනයයි) සවස් වරුවේ කලාතුරකින් ලැබෙන "කරන්න කිසිත් නැති" විවේකයක් ලැබුණා. එවැනි අවස්ථා උදා වන්නේ කලාතුරකින්. දියණිය පාසල් නිවාඩුවට ගමේ ගොස් සිටි නිසා මේ පාළුව තවත් වැඩි වුණා. මා රුපවාහිනිය ඉදිරියේ වාඩි වී බලන්නට හැකි චිත්‍රපටයක් ඇත්දැයි සෙවූ මුත් කිසිවක් ඇස ගැටුනේ නෑ.. මේ අතර වාරයේ මගේ මතකයට ගලා ආවේ මා නිතර බලන්නට ඕනෑම කියා සොයා බලන එක්තරා චිට්‍රපටයක්. ඒ "A Common Man" ය.
යූ ටියුබ් වෙබ් අඩවියේ මීට පෙර කරන ලද සෙවුම් වලින් එහි ට්‍රේලර් එක පමණක් නැරඹුවද, මෙවර එය කිසිවකු විසින් සම්පූර්ණ චිත්‍රපටයම අප්ලෝඩ් කර තිබිණි. මා කලේ ලැප් එක සහ රුපවාහිනිය HDMI කේබල් එක මගින් සවි කිරීමයි. වාසනාවට එය ඉතා හොඳ තත්වයෙන් තිබුණා.
පැයකුත් විනාඩි විසිපහක් දිවෙන මේ චිත්‍රපටය ගැන අගක් මුලක් තේරුම් ගැනීමට අඩුම ගානේ විනාඩි හතලිස් පහක් වත් නැරඹිය යුතුය. ඇත්තටම එය දුටු විට හිතෙන්නේ එය විදේශිකයකු විසින් අපේ පොලීසිය ඇන්දවීමට ගන්නා උත්සාහයක් ලෙසය. යුධ භීතියෙන් මුළු රටම ඇලලී ගිය යුගයක ජාත්‍යන්තර ත්‍රස්තවාදියකුගේ චරිතයට පණ පොවන ඉහත රූපයේ සිටින බෙන් කිංස්ලි කාල බෝම්බ කිහිපයක් පොලීසිය ඇතුළු ස්ථාන කිහිපයක අටවනවා. ඔහුගේ ඉල්ලීම වන්නේ සැකකරුවන් කිහිප දෙනෙකු නිදහස් කර ගැනීමයි.
මහල් නිවාස සංකීර්ණයක ඉහලම මාලයේ සිට ඔහු ක්‍රියාත්මක වනවා. රුපවාහිනි තිරයක් දෙස නිතරම බලා සිටින ඔහු නිතරම මාධ්‍යවේදිනියක් අමතා මෙම ස්ථානයේ විශේෂ සිදුවීමක් වනවා යනුවෙන් දන්වා රුපාවාහිනී කැමරාව ඔහුට අවශ්‍ය ප්‍රදේශයට යොමු කරවා ගන්නවා. මමත් සමගම මෙම චිත්‍රපටය අතරින් පතර නැරඹු මගේ සොයුරියගේ පුත්‍රයා මෙය හින්දි කොපියක් බව පවසා සිටියත්, ශ්‍රී ලංකාවේ ත්‍රස්තවාදී ක්‍රියා පැවති සමයත් සමග මෙය කදිමට මුසු කොට නිර්මාණය කරන්න චන්ද්‍රන් රත්නම් මහතා සමත් වී තිබෙනවා.
කිසිම කම්මැලි කමකින් තොරව බලා සිටිය හැකි, ශ්‍රීලාංකිකයෙකු නිෂ්පාදනය කල මෙම චිත්‍රපටය මටනම් ඉතා ඉහල නිර්මාණයක්. එම චිත්‍රපට යූටියුබ් මගින් නරඹන්න පුලුවන්.
මේ පිලිබඳ දීර්ඝ විස්තරයක් නොකරන්නේ ඉන් මෙය නරඹන කෙනෙකු තුල ඇති විය යුතු කුතුහලය අඩු වන නිසාය.
දවස හොඳයි. අද මම මෙතනත් එක වගේ...
ReplyDeleteමේක හින්දි චිත්‍රපටියක් පදනම් කරගෙන හදපු ෆිල්ම් එකක්. හැබැයි චන්ද්‍රන් රත්නම් මහත්තයා සුපිරියටම හදලා තියෙනවා. මට නම් සැකයි මේක ලංකාවේ පෙන්වන්න ඉඩ දෙයිද කියලා.
මේක පෙන්වීමේ අවුලක් මට නම් පෙන්නේ නෑ.
Deleteචිත්‍රපටියේ එක තැනක පොඩි දුර්වලකමක් අහු උනා, ඒක වෙලා තියෙන්නේ සමාජයේ එදිනෙදා දේ ගැන එච්චර අවධානයක් නොයෙදපු නිසා වෙන්න ඇති. කොටුවෙන් රුමේනියන් පෙට්ටි තියෙන කෝච්චියකට නගින බෙන් කිංස්ලි එක පාරටම බම්බා, වැල්ලවත්ත පහුකරලා ගිහින් S8 Hyundai කෝච්චියක නාරාහේන්පිට ගොල්ෆ් ග්‍රවුන්ඩ් එක මැද්දෙන් කැළණි වැලි පාරේ යනවා. ඊළඟට ආයෙම රුමේනියන් පෙට්ටියක් අස්සේ ඉන්න බෙන් දෙහිවලදී S8 එකකින්ම බිමට බහිනවා.
ReplyDeleteසාමාන්‍ය දුම්රිය මගියෙක්ට මේක දැක්ක ගමන් මේ දුර්වල පොයින්ට් එක අහුවෙනවා.
කොහොමද විචාරය....
Deleteචිත්‍රපටය රස විඳින්න ඒක බාදාවක් නෑ නේද ? මට ඒක ඒ හැටි දැනුනේ නෑ.
Deleteකතාව හොද නම් කන්ටිනියුටි ගැන ප්‍රශ්න නොකර මම නම් බලනවා.
Deleteෆිල්ම් එකේ පොරොස්න සුදික මලයගෙන් අපි අහල වැඩක් නැහැ.
නොබලපු අයට මග පෙන්නල විතරනෙ මෙතන තියෙන්නෙ.
කවුරු හෝ චිත්‍රපටය ගැන විචාරාත්මක ලිපියක් ලියුවහොත් අපිට ප්‍රශ්න කල හැකියි.
බලන ගමන්....:)
ReplyDeletethanks Sudeeka
වැය කරන කාලය පාඩුවක් නොවේවි.
Deleteකතාව ලංකාවේ එකක් උණාට, හොරුයි, පොලිස් ලොක්කොයි ඔක්කොම, සුද්දෝ හන්දා ඉතින් ප්‍රශ්නයක් නෑ. :D:D
Deleteලංකාවේ සිද්ද වෙච්ච ඉන්ටර්නැෂනල් කතාවක් කියල හිතමු.
Deleteසුදීක මමත් මේ ෆිල්ම් එක බැලුවා. කතාව හොඳින් ගලායන්න තියනවා. මේ චිත්‍රපටිය හින්දියෙන් තිබුනත් කතා තේමාව දෙහිවල දුම්රිය බෝම්බයෙන් මියගිය කතාවත් නොකරපු දුම්රිය මිතුරකු නිසා තවත් මිනිසෙකු ත්‍රස්තවාදයට පිළියම් සෙවූ හැටි දැක්වෙනවා.
ReplyDeleteමේ වගේම තවත් ෆිල්ම් එකක් එනවා Madras Cafe කියලා.
ඒකත් බලමු එහෙනං.
Deleteමේක තාම ප්‍රදර්ශණය පටන් අරන් නෑ නේද ? මෙහෙම නොකර හිටියනම් තමා හොඳ..
ReplyDeleteමම නොකිව්වත් බලන අය බලනවා නේද සෙන්නා. මටත් මුලින්ම හිතට ආව ගැටලුව ඇයි මේක අන්තර්ජාලයට ආවේ කියලා. කොහොම වුණත් එයාලම දැම්ම වෙන්නත් පුළුවන්. එතකොට මේක ලෝකෙම දකින නිසා. දැන් DVD වෙළඳාම යහමින් කෙරෙන නිසා, මෙහෙම බලලා කලෙක්ෂන් කරන අය අරගනී කියන අදහසින් ආවාද ? නැත්නම් මේක දාපු කෙනා ද්වේශසහගතවම කරපු දෙයක්ද දන්නේ නෑ.
Deleteඒකනම් එහෙම තමා. ඒත් ඕක ලංකාවෙ ප්‍රදර්ශණය කරන්න අදහසක් තියනවනම් මෙහෙම බලන එකෙන් ඔවුන්ට ලොකු පාඩුවක් වෙනවා නේද ? දැන් සුදීක මේක දැම්මට පස්සෙ අඩුම ගානෙ ඔවුන්ට ප්‍රේක්ශකයො පන්සීයක්වත් අඩු වෙනවා...
Deleteඒ බලන පන්සීය කටින් කට යවන ප්‍රචාරය නිසා ප්‍රේක්ෂකයෝ ලැබෙයි කියලා මම හිතනවා. මොකද හැමෝටම ඉන්ටර්නෙට් තිබ්බත් බලන්න තරම් ඩේටා නෑ. ඒත් ඩවුන්ලෝඩ් කරලා ෂෙයා වුනොත් තමයි.
Deleteචන්ද්‍රම් රත්නම් කියන්නෙ හොද ඔලුවක්.
Deleteඒ වගේම හැම පැත්තකටම ආතල් බුවෙක්.
වියදම් කරපුව හොයන්න දෙයියෙක්.
මෙහම එලියට දාන්න යටි හිතේ ඇති යම් අදහසක්.
මටත් හිතුනේ ඔය ටිකමයි.
Deleteබැලුව වගේ මතකයක් තියෙනවා ස්තුතියි සුදීක
ReplyDeleteමේ බලන්නකෝ බලපු අය ගොඩයි.
Deleteමේක බලන්න ඕනේ.
ReplyDeleteමට නම් මාර ගති මේක.
Deleteමමත් හිතනවා ඒක මේ කළාකාරයාට දැන දැන කරන වැරද්දක් හා අසාධාරණයක් කියලා. සමහර විට ඔබට ප්‍රශ්ණවලටත් මුහුණ දෙන්න වෙයි.. හම නමින්ම පෙනී සිටින නිසා.. කොහොමත් සදාචාරාත්මක දෙයක් නම් නෙමෙයි.. මගේ අදහස පමණයි...
ReplyDeleteමෙහෙම ප්‍රසිද්ධියේ නොකිව්වත් බලපු අය ගොඩක් ඉන්නවා කමෙන්ට් වලින්. මේ පහල කමෙන්ට් එක බලන්න.
Deleteමේක baiscopelk එකේ දාලා තිබුනෙ අප්‍රේල් මාසෙ විතර.
ReplyDeleteමේකෙ හින්දි එක නම් බැලුවා. A wednesday (2008)
සාමාන්‍යයෙන් මම හින්දි බලන්නේ නෑ. හොඳ එකක් අහු වුනොත් නොබලා ඉන්නෙත් නෑ.
Deleteඔන්න මම A common man බැලුවා. කණගාටුවෙන් උනත් කියන්න තියෙන්නෙ හින්දි චිත්‍රපටයට සාපේක්ෂ ව මේක අති අසාර්ථකයි. ඇක්ෂන් film එකක් උනාට කිසිම ජවයක් නෑ රඟපෑම්වල (පොලිස් නිළධාරීන්ගෙ) සමහර විට ශ්‍රී ලංකා පොලීසියෙ ස්වභාවික තත්ත්වය වන ඈලි මෑලි ගතිය ද දන්නෙත් නෑ. නමුත් හින්දි චිත්‍රපටය මීට සාපේක්ෂ ව ඉතා සාර්ථකයි. එහි ත්‍රස්තවාදීන් හතරදෙනාව භාර දෙන පොලිස් නිළධාරීන් දෙදෙනාගේ චරිත චිත්‍රපටය ආරම්භයේ සිටම හොඳින් ගොඩනගනවා. ඒ වගේම ඔවුන් ඉතා හොඳින් ඒ චරිත රඟපානවා.
Deleteකතාවේ ගලා යෑමත් හින්දි චිත්‍රපටයට සාපේක්ෂ ව දුර්වලයි. එක උදාහරණක්-
හින්දි එකේ පැමිණිල්ල භාර ගන්න පොලිස් නිලධාරියා ගෙන්වලා චිත්‍ර ශිල්පියා ලවා අර පුද්ගලයාව කටු සටහන් කරවන්නෙ පොලිස් ස්ථානය තුළ තිබී බෝම්බය සොයා ගත් විගසම. මේකෙ ඒක කරන්නෙ ඊට ගොඩක් පහු වෙලා. හරියට නිකන් මිනිහා කවුද කියලා හොයා ගන්න කිසිම ඕනකමක් තිබුනෙ නෑ වගේ.
අපේ එකේ අඩුපාඩුම හොයනවා කියලා හිතන්න එපා. A wednesday බලලා ඊට පස්සෙ ඔබත් තීරණය කරන්න මේකෙ සාර්ථකත්වය.
අපේ පොලීසිය සාමාන්‍යයෙන් කිර්යාත්මක වෙන්නෙත් මේ වගේ නේද? දැන් නම් wednesday බලන්නම වෙනවා. මුලින් නොබලපු නිසා සමහරවිට මේක හොඳට පෙනුනා වෙන්නත් පුළුවන්.
Deleteමෙක බලන්න ඔන .සුදීක පොඩිමෑන් ගෙ ලින්ක් එක දෙන්නකො.මම හිතන්නෙ මම බලල නෑ
ReplyDeleteමෙන්න පොඩි මෑන්
Deleteආ මෙ ලට්ට ලොට්ට නෙ මු ගාල්ලෙ කියල අද දන්නෙ
Deleteමගෙත් කල්කිරියාව හොඳ නෑ කියල කියන්නේ මේක බාගෙන සෑහෙන දවසක් වුනත් ඉංග්‍රීසි එව්වා බල බල හිටියා මිසක මේක බැලුවේ නැතුව එහේමම අමතකම වෙලා ගියා. පේනව නේද සිංහලයෙක් වුනත් මගෙ තරම. මටම කණගාටුයි. සුදීක අයියා මතක් කල එක හොඳයි.
ReplyDeleteBetter Late Than Never කියලා කියමන් තියෙනවනේ. දැන් බලන්න එහෙනම්.
Deleteඉඩක් ලෑබුන විටක බලන්නම් ස්තුතියි
ReplyDeleteබලලම කමෙන්ට් කරන්නකෝ.
Deleteසුදීක මම මේ චිත්‍රපටිය බැලුවේ ටොරන්ට් මගින් බාගෙන. ඉතාම හොඳ තත්වයේ රූපරාමු වලින්. ඇත්තටම මෙය අවසානය දක්වා කුතුහලය දනවන චිත්‍රපටියක්. නමුත් අර ගුවන් යානය පුපුරනවා වගේ උපක්‍රම නම් එතරම් සාර්ථකයි කියන්නට බැහැ. මුළු චිත්‍රපටිය පුරාම බෙන් කිංග්ස්ලි ඔහුගේ සිනමා පෞරුෂයේ ආධිපත්‍යය පතුරුවා තිබෙනවා.
ReplyDeleteමටත් ඒ ප්ලේන් කොටස පොඩ්ඩක් මදි ඒ ෆිල්ම් එකේ අනිත් කොටස් එක්ක.
Deleteමමත් මේක ටික කාලෙකට කලින් බැලුවා. අවංකව කියනවා නම් මට මේක ඒ තරම් සාර්ථකයි කියලා හිතෙන්නෙ නැහැ. (මගේ පුද්ගලික මතය).කතාවේ ගලායාම ඒ තරම් ස්වාභාවික නොවන බවයි මගේ මතය.
ReplyDeleteඒ අපි ලංකාවේ නිසා. හොලිවුඩ් එකක් කියලා හිතන් බැලුවම පහසුයි.
Deleteහොලිවුඩ් එකක් කියලා හිතන් බලනවානම් අති අසාර්ථකයි. තිර පිටපත බොහෝම දුර්වලයි. අනික තාක්ෂණික කරුණු සමහර ඒවා නිවරදි නැහැ.
Deleteඑකක් මම චිත්‍රපට නරඹන්නේ රසිකයෙක් විදියට විතරයි. මට එතන දිවෙන කතාවට නළු නිලියන් සාධාරණයක් කරලා තියෙනවනම් ඒක විශිෂ්ඨයි.
Deleteප්‍රධාන චරිතය අපිට සුද්දෙක් වගේ පෙනුණට ඕක හදල තියන හොලිවූඩ් එකේ අයට එච්චරම අවුලක් නැති වෙයි. මොකද සුද්දන්ට අනුව Ben Kingsley කලුයි :D
ReplyDeleteඉන්දියන්, යුදෙවු සහ බ්‍රිතාන්‍ය සම්භවයක් තියෙන්නෙ මම දන්න විදිහට. ගාන්ධි ගෙ චරිතය රඟපාල තියන නලුවෙක් නෙ :)
එක එක කෝච්චි පාරවල් ගැන අපි දන්නව උණාට ඒකත් පිට රට මිනිස්සු දන්නෙ නෑ නෙ... ලස්සන ලස්සන තැන් දෙක තුනක් අරගැනීම වෙන්නැති අරමුණ :D
මටත් හිතුනේ ඔය ටිකම තමයි.
Deleteඩොන්ගල් එකේ data තියෙන වෙලාවක ගොඩ දාන්න ඕනේ!
ReplyDeleteළඟක හිටිය නම් දෙනවා මම ඩවුන්ලෝඩ් කරපු එක.
Deleteමට නම් ඕක අන්තිමයි මෙලෝ රහක් නැහැ Shindlers list වගේ සුපිරි film
ReplyDeleteවල රගපාපු Ben Kingsley මේකේ රගපෑවේ සල්ලි නැතුවද කොහෙද
කිව්වට විශ්වාස කරන්න මම බෙන් කිංස්ලි ව අඳුනා ගත්තෙත් මේකෙන්. ඒ නිසා මට ඔය අවුල ආවේ නෑ. මොනවා වුනත් මිනිහා දක්ෂයෙක්. එක එක ෆිල්ම් වල ඕනෑම කෙනෙකුගේ දක්ෂ කම් වෙනස් නේද? මෙන්න මේ ලින්ක් එකෙන් බෙන් මාර තැනක් දෙනවා චන්ද්‍රන් රත්නම්ට.
Deleteදැනුවත් කලාට ස්තූතියි සුදීක
ReplyDeleteඅද හෙටම බලන්න ඕන...
හරි දුලා බලලා කමෙන්ට් කරන්න.
Deleteමේ පිචර් එකයි හින්දි එකයි දෙකම බැලුවා ..... මේකට ලකුණු 65යි ... හින්දි එකට 95යි ..... ඒ මට හිතෙන හැටි
ReplyDeleteමමත් හින්දි එක බල බල ඉන්නේ.
Deleteමම සාමාන්‍යයෙන් පරිගණකය ඔස්සේ ෆිල්ම් බලන්නෙ නෑ. අඩුම තරමේ ඩීවීඩී තැටියකින්වත් බලන්න ඕනේ. මොකද පරිගණකයේ රූප රාමුව කුඩා දර්ශන පසුතලයක් පෙන්වන නිසා.සිනමා කෘතියකින් මනසට දැනෙන ෆීලිංග්ස් අඩුයි. ඒ නිසා මේ ෆිල්ම් එක තවම වෙළදපොලට ඩීවිඩි එවල නැහැ. ඒ එනතුරු බලා ඉන්නවා
ReplyDeleteමම කරන්නේ පරිඝනකයයි රූපවාහිනියයි HDMI කේබල් එකෙන් සම්බන්ධ කරන එක. එතකොට හොඳ තත්වෙකින් බලන්න පුළුවන්.
Deleteහින්දි එක ඇවිත් ගොඩක් කල්. ඒකම කිසිම වෙනසක් නැතුවම කරලා. අලුත් සෙට් එකක් එක්ක හොඳ කොප්පක්.
ReplyDeleteමම මුලින්ම බැලුවේ මේක නිසා අවුලක් වුනේ නෑ.
Deleteපොලිස් රාලහාමිලා ඉංග්‍රීසි වතුර වගේ කතා කරන එක මට නිකං මොකද්ද වගේ .. ඉතින් මට හිතෙන්නෙම ඒ ෆිල්ම් එකේ තිබුනේ ලංකාව ගැන කතාවක් නෙවෙයි කියලා .
ReplyDeleteඔය සඳරුත් යස අපූරුවට කථා කලේ. මම කිව්වේ අර සඳරු වගේ ඉන්ස්පෙක්ටර් ගැන.
Deleteබලලම කතාකරමු.
ReplyDeleteමට දැං බාගෙන තිනෙ ෆිල්ම් මොනවද කියල හොයාගන්න බැරුව ඉන්නෙ.
සෝයි ෆිල්ම් එක . ටික දවසකට කලින් මම බැලුව .
ReplyDeleteA Common Man මමත් බැලුවා.
ReplyDeleteපුද්ගලිකව මම මේ film 1ට අකමැතියි. නමුත් මෙය අවර ගනයේ හෝ වැඩකට නැති film 1ක් නෙමෙයි. චන්ද්‍රන් රත්නම් මහතාගෙ උත්සාහය ගොඩක් අගය කල යුතුයි. imdb link 1 පහලින් දාන්නම්. කැමති අය ගිහින් film 1 rate කරලා පොඩි සහයොගයක් දක්වන්න. හේතුව ; fans'ලාගෙ rating වැඩිවෙන තරමට තව තවත් ලෝකෙ පුරා මිනිස්සු මේක බලන්න පෙලඹේවි.
(imdb link)
http://www.imdb.com/title/tt2104837/
මේ film 1කෙ ඉතාම හොඳ මට්ටමේ blue ray copy 1ක් torrent විදිහට තියෙනවා. තවමත් නොබලපු අය එන්නවනම් downlord කරන් බලන්න.
මෙන්න torrent links ;
(750mb copy)
http://katproxy.com/a-common-man-2012-720p-brrip-x264-yify-t7350583.html
(1.24db copy)
http://katproxy.com/a-common-man-2012-1080p-brrip-x264-yify-t7352214.html
කවුරුත් විස්වාස නොකෙරුවට මේක තමා ලංකාවේ වැඩිම වියදමක් ගිය චිත්‍රපටිය මේක නිෂ්පාදනය කරේ ඒසියා කැපිටල් සමාගමේ සභාපති වන මනෝ මහතා flying fish නිෂ්පාදනය කරෙත් මනෝ මහතා තමා කොහම වුනත් මනිරත්නම් නම් මේකෙන් හොදට හම්බ කරගත්තා චිත්‍රපටි කෙරුවාව හින්දා ඒසියා සමාගමේ මුල්‍ය තත්වය දරුණු ලෙස කඩන් වැටුනා කියලයි වැඩ කරන අය නම් කියන්නේ මේකේ පිටපත් ඉන්දියනු සමාගමකින් සල්ලි දීලා ගත්ත එකක් ඔවුන් අවසර දීලා තිබ්බේ ඉංග්‍රීසි වලින් කරන්න විතරයි නමුත් මෙයාලා සිංහලෙනුත් කරපු හින්දා ඉන්දියානු සමාගමෙන් නඩු වැටුනා නඩු කියන්න ගිහිං තව දඩ මුදලුකුත් ගෙවලා නිෂ්පාදන වියදම තව ඩබල් වුනා චිත්‍රපටිය නිපදවීමේදී සියලුම අවශ්‍ය දේවල් දේවල් ලබා ගත්තේ මනිරත්නම්ගේ චිත්‍රපටි නිශාපාදන සහය ආයතනයෙන් ඉතිං චිත්‍රපටිය ප්‍රදර්ශනය කරන්න කලින්ම මනිරතන්ම් ලාබය ලබලා තිබ්බේ තව ලොකු වියදමක් දරලා ඇමෙරිකාවේත් මේක ප්‍රදර්ශනය කරා කොච්චර කරත් අන්තිමට ෆිල්ම් එක ෆේල් හොදම දේ සමාගමේ සේවකයෙක් ගෙවල් ලග කඩෙන් ඩි වී ඩි එක අරන් ගිහිං මනෝ මහතාට දුන්නාම තමා දන්නේ මේකේ එලියට ගිහිං කියලා මනුස්සයගේ කෝටි ගානක් අපරාදේ
ReplyDeletebaluwa
ReplyDelete.
ReplyDelete