ලොල්ද මන්දා අංක 12 : විකුණන ඉඩමට නමක් ....... A perfect name for land for sale

අපේ කාර්යාලයේ ඉන්න කාන්ති නෝනා දවසක් තේ බොන වෙලාවේ අළුත් ආරංචියක් අරගෙන ආවා. මෙතන මේ වෙලාවේ හිටියේ අකිලත්, මමත් තව කිහිප දෙනෙකු විතරයි. ඇවිත් මෙන්න මේ වගේ ඉල්ලීමක කළා

පින්තූරය ගත්තේ : www.getmyland.com

"අනේ මල්ලිලා අපේ උඩහමුල්ලේ තියෙන ඉඩමක් කොටස් කරලා විකුණන්න යනවා. දැන් ඉතිං කොහේ ඉඩම් වෙන්දේසියක් ගියත් ඒවාට ඉංග්‍රීසි නමක් දානවනේ. අපේ එකටත් හොඳ නමක් හොයා ගන්න ඕනේ. පොඩ්ඩක් දෙන්නත් එක්ක මට උදව් කරන්නකෝ"

අපි දෙන්නත් ඔළුව වනලා වැඩේ භාර අරගෙන ඔෆිස් එකේ අපේ මෙසේ දෙපැත්තේ වාඩි වෙලා දැන් ඉඩමට දාන්න නමක් හොයනවා. අනේ ඉතිං දෙයියනේ කියලා එංගලන්තේ තියෙන හැම ප්‍රාන්තෙකම නම් අපේ කට්ටිය පාවිච්චි කරලා තියෙන නිසා ඒවා අත අරින්න වුණා. සමර්ෆීල්ඩ්, වින්ටර් ගාර්ඩන්, ස්ප්‍රින් වැලි, මේ හැම එකක්ම තියෙනවා. බැරිම තැන අකිල කාන්ති මිස් ලඟට ගිහින් වත්තේ සිංහල නම අහ ගත්තා.

වත්තේ සිංහල නම කහටගහවත්ත. අපි දෙන්නා දැන් දස අතේ කල්පනා කරනවා මේකේ ඉංග්‍රීසි නම. කොහේ හොයන්නද ? බැරිම තැන අපි මේකට කියන උද්භිද විද්‍යාත්මක නාමය දාමු කියලා කාන්ති මිස්වත් කැමති කරගෙන, බොහොම අමාරුවෙන් පාවිච්චි කරන්න ලැබෙන අන්තර්ජාලය පීරලා පීරලා නම හොයා ගත්තා. ඒක දැක්ක ගමන් අපි දෙන්නට හොඳටම හිනා. අකිලයා දුවලා-දුවලා ගිහින් කාන්ති මිස්ගේ කණට කරලා නම කිව්වා, කාන්ති මිස්ටත් හොඳටම හිනා.

හොඳයි මම දැන් ඕක මෙතන කියලා දැම්මොත් කිසිම ගතියක් නෑ. ඒ නිසා අපේ බ්ලොග් රසිකයින්ට මම විද්‍යාත්මක ගැටළුවක් විදියට මේක ඉදිරිපත් කරනවා. බලමු කවුද කියලා හරි උත්තරය දෙන්නේ ?

මොකක්ද ප්‍රශ්නේ : කහටගහට කියන උද්භිද විද්‍යාත්මක නාමය. 

අන්තිමට මේ වත්ත කහටගහවත්ත විදියට තමයි වෙන්දේසියට ගියේ.