අද දෙදහස් දොලැහේ ජනවාරි පළවෙනිදා. අලුත් දෙයක් කරන්න ඕනෑ කියල මට හිතුණා. බ්ලොග් පිළිබඳ ඉතිහාසය 1997 තෙක් ඈතට දිව ගියත්, මා කෙතරම් බ්ලොග් ලිපි කියව ඇතත්, බ්ලොග් කරුවකු වීමට අදහස මට ඇති වුවේ දින කීපයකට ඉහතදීයි. ඒ වනවිට මා ෆේස්බුක් නෝට්ස් මගින් යම් යම් ලිපි ලියා තිබුණා. මා ලියන ලිපි කියවු මගේ බොහෝ මිතුරු මිතුරියන් පවසා සිටියේ මට හොඳ ලිවීමේ හැකියාවක් ඇති බවයි. විශේෂයෙන්ම මා ලියු ලිපි කියවා ලිවීම සඳහ මා දිරිමත් කල චන්දිමා, ප්‍රසාද්, සුරේෂ් යන අය මගේ මතකයට නැගේ.
මේසඳහා ඇවිද්ද පය...... කියන නම තොරා ගත් ආකාරය මෙහි සඳහන් කිරීම මගේ යුතුකමක්. ඇවිද්ද පය දහස් වටී කියා කියමනක් අප කවුරුත් අසා තිබෙනවා. එහි සමාන්‍ය තේරුම පයින් ඇවිදීම යයි කෙනෙකුට සිතෙන්න පුළුවන්. එහෙත් එහි නියම තේරුම ගවේෂණය බව ටිකක් කල්පනා කල පසු වැටහෙයි. මගේ රාජකරි දිවිය තුළදී ශ්‍රී ලංකාවේ සෑම අස්සක් මුල්ලක් නෑර ගමන් කොට මා ලබා ගත් අත්දඇකීම් මෙසේ ඔබ සමග බෙදා - හදා ගැනීම මාගේ අරමුණයි. ඊට අමතරව මා විදේශගත වූ කිහිප අවස්ථා වලදී ලැබුණ අත්දැකීම්ද මෙහි ලියා තැබීම වටී. අද මා ලබාගෙන සිටින තත්වයක් වෙයි නම් ඒ සඳහා දායක වුණු මාගේ ආදරණීය දෙමපියන්ටත්, සහෝදර/සහෝදරියන්ටත්, මේ සියලු අත්දැකීම් ලබාගැනීමට දායක වුණු මාගේ සේවා ආයතනය වන මහජන බැංකුවටත් එහි සේවක සහෝදර/සහෝදරියන්ටත් මෙම බ්ලොග් අවකාශය උපහාරයක් වේවා !
සුභාෂ් දිල්රුක් කන්නන්ගර
2012-01-01
ඉස්සර මම බ්ලොග් එකක් ලිව්වා කඩදාසියේ. ඒ ගැන වෙනම පොස්ට් එකක් දන්නම්.
ReplyDeleteආ මෙහෙමයි එහෙනම් පටන් ගත්තේ ඈ........
ReplyDeleteඔව් ඔව්.
ReplyDeleteපැහැදිලි මුලක්
ReplyDelete