රුපවාහිනී රිමෝට් කන්ට්‍රෝලරය
රිමෝට් කන්ට්‍රෝලරය සොයා ගත් පුද්ගලයා වන නිකෝලා ටෙස්ලා තමා කල සොයාගැනීම පිළිබඳව පසුව පසුතැවිලි වුණා. ඒ ඔහු නිසා ලෝකයේ ලක්ෂ සංඛ්‍යාත ජනතාවක් රෝගී වීම නිසා. රෝගී වන්න සිදු වන හේතුව මේ වනවිටත් ඔබට නොවැටහෙන්නට පුළුවන්. නමුත් දුරස්ථ පාළකය භාවිතා කිරීම නිසා ඔබ රූපවාහිනිය වෙත ගොස් එහි නාලිකාව වෙනස් කිරීමේ ශාරීරික ක්‍රියාව නවතිනවා. දිනකට ඔබ රූපවාහිනී චැනල් මාරු කරන ප්‍රමාණය, එහි ශබ්දය අඩු වැඩි කරන ප්‍රමාණය, අද නම් ඒ සම්බන්දව කෙරෙන සියළුම වෙනස් කිරීම් සිදු කෙරෙන්නේ දුරස්ථ පාලකයක් මගින්. ඉතිං දිනකට ඔබ රූපවාහිනිය වෙත ඇවිදින ප්‍රමාණය කිලෝමීටරයකටත් වඩා වැඩි බව පැහැදිලි වනු ඇත.
 |
| පින්තූරය ගත්තේ : http://www.kerryr.net/ |
දැන් ඔබ දකින රූපවාහිනියක කිසිසේත්ම අතින් වෙනස් කළහැකි බොත්තම් නැති වන්නට පුළුවන්. නමුත් අතීතයේදී නාලිකාවක් සුසර කිරීමේ සිට පැවති සීමිත නාලිකා ප්‍රමාණය මාරු කෙරුනේද ඔබේම ඇඟිලි තුඩින්. ඒවා අද මෙන් ටච් පන්නයේ බොත්තම් නොව මිකැනිකල් පන්නයේ ඒවාය. වෙනත් අයුරකින් කියනවානම් අතින් එහා මෙහා කලයුතු උපාංගය. ඉතිං දවසකට ඔබ එක් කිලෝමීටරයක් ඇවිද්දා නම්, මසකට කිලෝමීටර් 30ක්ද, වසරකට එය 365ක්ද වනු ඇත. අද නිවසක ඇති රිමෝට් කන්ට්‍රෝල් ගණන ගැන නිකමට සිතා බලන්න රූපවාහිනිය, චන්ද්‍රිකා රුපවාහිනි පෙට්ටිය(Satellite Box) , විදුලි පංකාව, ශබ්ධ විකාකාශන යන්ත්‍ර(Sound System), මෝටර් රථය සහ මෙකී නොකී ඕනෑම යන්ත්‍රයක සඳහා දුරස්ථ පාලකයන් යොදා ගත හැක. වෙනදා මේ යන්ත්‍ර වෙත ගොස් ඒ කාරියන් ඉටුකරගත් ඔබ, දැන් සිටින තැන සිට එය ඉටුකර ගන්නේ දිගුකාලීනව ඉහල පැලැන්තියේ රෝගියෙකු බවට පත් වෙමිනි. නමුත් ටෙස්ලාගේ ලොකුම පසුතැවීම මෙය නොවන වගද සටහන් කලයුතුය. ඒ ජේ.පී. මෝගන් සමාගම ඔහුගේ නිපැයුම් වෙනුවෙන් කල ආයෝජනය නවතා දැමීමය. එසේ නොවන්නට ඔහු ලොවට වටිනා සොයාගැනීම් විශාල ප්‍රමාණය දායාද කරනු ඇත. ඒ ගැන සටහනක් කලකට ඉහත අන්තර්ජාලයේ බෙදා හැරිණි. ඔබත් එය කියවන්නට ඇත.
 |
| පින්තූරය ගත්තේ : |
AK - 47 ගිණි අවිය
ලොව පුරා වඩාත් ප්‍රචලිත ඒ.කේ. 47 ගිණි අවිය නිෂ්පාදනය කල මි(ක්)හාඉල් කොලොශ්නිකොව් පසුව පවසා සිටියේ
"මගේ සොයාගැනීම ගැන මට ආඩම්බරයි නමුත් කනගාටුවට කරුණ වන්නේ එය ත්‍රස්තවාදීන් විසින් භාවිතා කිරීමයි.
මා ඊට වඩා සතුටට පත් වනවා, මිනිසුන්ට ප්‍රයෝජනවත් දෙයක් සොයා ගත්තා නම්, උදාහරණයකට තණකොළ කපන යන්ත්‍රය"
අනාගතයේ පසුතැවිලි වන්නේ කවුද ?
නමුත් ඉදිරියේදී පසුතැවිලි වියහැකි යැයි විශ්වාස කල හැකි පුද්ගලයින් කිහිප පලක්ම වේ. නමුත් ඒවාට පාදක වූ මුල් සොයාගැනීම් කල පුද්ගලයන් වාසනාවකට අද ජීවතුන් අතර නැත. ඒ කැමරාව පිලිබඳ මූලික සොයාගැනීම් කල පුද්ගලයන්ය. නමුත් කැමරා ෆෝනය සොයා ගත් පුද්ගලයා අනිවාර්යයෙන්ම පසුතැවලි වනවා නොඅනුමානය. ඒ සමාජ ජාලා වෙබ් අඩවි වයිරසයක් තත්වයට පත් වී ඇති අද දිනයේය. තමන්ගේ මුල් සොයාගැනීම කරනවිට ඔහු ඒ තත්වය කිසි විටෙකත් බලාපොරොත්තු වන්නට නැත.
නමුත් ජංගම දුරකතනයට කැමරාව ඇතුලත් කල පුද්ගලයාවත් බලාපොරොත්තු නොවන මොහොතක ස්මාර්ට් ෆෝන් සහ ෆේස්බුක් ප්‍රමුඛ සමාජ ජාලා බිහි වීම නිසා ඔබ ගන්නා පින්තූර පහසුවෙන් එහා මෙහා විසි කරන්නට හැකියාව සලසා දී ඇත. නමුත් ඒවාගෙන් ඵලදායක දේ සිදු වනවාද යන්න සැකසහිතය. ඇත්නම් ඉතා ස්වල්පයකි. ඒ තමන්ගේ ප්‍රචාරණය සඳහා අධික මිලක් ගෙවූ ආයතනයන්ය. අද ඔවුන් සමාජ ජාල හරහා තමන්ගේ වෙළඳාම ප්‍රවර්ධනය කර ගනිති. ඒ ඇසුරින් රැකියා අවස්ථා ප්‍රමාණයක්ද බිහි වී ඇත. එය මෙහි සාධනීය පැත්තයි. ලෝකයේ බොහෝ සොයාගැනීම් මෙන්ම අහම්බයක් වූ කැමරා දුරකථනය කොයි තරම් සොඳුරු ආරම්භයක්ද යන්න පහලින් ඇති වීඩියෝව සාක්ෂි සපයනවා ඇත.
නිමක් නැතිව තප්පරයකට දහස් ගණනින් අප්ලෝඩ් වන පින්තූර රඳවා ගැනීමේ අභියෝගයට මුහුණ දී ඇති ෆේස්බුක් හිමිකරු වන මාර්කස් සකර්බර්ග්, ඉදිර්යේදී පසුතැවිලි වීමට නියමිත අනෙක් පුද්ගලයායි. මේ වනවිට ෆේස්බුක් ඇතුළු බොහෝ සමාජ ජාලා යොදා ගන්නේ ඕපාදුප, මඩ සහ වෙනත් අපචාරයන් සඳහා බව නොරහසකි. අප කුඩා කාලයේ තොරතුරැ දැන ගැනීමේ පිපාසාවෙන් උන් බාල මහලු කවුරුත් සවන් දුන්නේ රේඩියෝවටයි. පසුව රූපවාහිනිය ඒ අඩුව පිරවීය. ඉනික්බිතිව අන්තර්ජාලය කරලියට පැමිණියේය. නමුත් අද එය වසන්ගතයක්ද, විලාසිතාවක්ද එසේත් නැතිනම් සිතු පැතු දේ ලබා දෙන කප්රුකක්ද යන ගැටලුව අප ඉදිරියේ ඇත. එහි ස්වරූපය තීරණය කිරීමේ අවස්ථාව ඔබ ඉදිරියේ ඇත.
රිමොර්ට් කොන්ට්‍රෝල් එක හොයාගත්ත කෙනා නම් ඇත්තටම පසුතැවෙනව එක පුදුමයක් නෙමේ,, ඒත් ඒක එයා නැතත් වෙන කෙනෙක් හෝ හොයාගන්නවා හි හි දැන් මිනිස්සු කැමති නෑ නේ අයියේ ඔය කරකවලා අරින දොරවල් වලටත්.. බෑන්ක් වල සුපර්මාර්කට් වල තව බොහෝ තැන් වලත් දොරවල් අපි කිට්ටු වෙද්දී ඕපන් වෙනවා.. කාර් එකේ දොර යතුරු කරකවන්න ඕනේ නෑ... අතට ලැබෙන මේ නිදහස මං හිතන්නේ හොඳ දෙයක් නෙමේ..
ReplyDeleteබ්ලෙන්ඩර් ,ග්රයිඩර් හොයාගත්ත එකත් මහ පාඩුවක් අයියේ බලන්න අපිට පිටි කොටන්න කුරහන් අඹරන්න තිබ්බා නම් මැරීගෙන ඩයට් කරන්න ඕනේ නෑ ,,
ඇයි කළෙන් වතුර අදින්න, ගලේ මිරිස් අඹරන්න. තව කොච්චර නම් දේවල්ද? පහසු වෙනවා කියන්නේ ලෙඩ වෙනවා කියන එක.
Deleteග්‍රයින්ඩර්,බ්ලෙන්ඩර් තිබුනෙ නැත්තම් මේ තියෙන සීමිත වෙලාවෙ අතිශය කාර්යබහුල මිනිස්සු කොහොමෙයි වැඩ ටික කොර ගන්නෙ??
Deleteඒවා තියෙන්නෙ ඔහෙලට වගේ චොක්ලට් ස්ලැබ් එකක් හප හප ජූස් හදන්න නෙමෙයි.වැඩ ඇරිලා ගෙදර ඇවිල්ල පොල් ටික මිරික ගන්න,මිරිස් ටික කුඩු කරගන්න අපි වගේ 'අහිංසකම අහිංසක' වැඩකරන ජනයාට..හ්ම්....
(@ බඩ බස්සගන්න ක්‍රමයක් හොයමින්)
සමබරතාවය පවත්වා ගැනීම තමයි ඕනේ. මම කියන්නේ කෙතරම් යන්ත්‍ර සුත්‍ර භාවිතා කරනවද, කෙතරම මිනිස් ශ්‍රමය යොදා ගන්නවද කියන දෙකේ.
Deleteගස් ලබු ජුස් පවා හදන්නේ ඕකේ දාලා තමයි හිටන්
Deleteඊට වඩා හොඳ නැද්ද ජිම් වලට කුරහන් අඹරන ගල්, මිරිස් ගල් එහෙම ගන්න එක !
Deleteඅධිවේගයෙන් දියුණු වන තාක්ෂණයට සමගාමීව මිනිස් ආකල්ප අනුලෝමව සමානුපාතික නොවීම සහ ප්‍රතිලෝමව සමානුපාතිකවීම කියන ගැටලුව නිසා තවත් ප්‍රශ්න ගැටලු ඇතිවන වේගය බොහොම වැඩි වෙලා තියෙනවා.මහා සංහාරයක් වෙලාම මේවා නවතී වගේ පෙනෙන විදිහට.
ReplyDeleteතරාදිය ඉහල පහළ ගිහිං හරි යන තැන නවතීවි.
Deleteදැලි පිහිය අත්‍යවශ්‍ය භාණ්ඩයකි. නමුත් එය නිසි පරිදි පාවිච්චි කරන්නට නොදන්නා රිලවුන් අතට පත්වූවිට සිදුවන දේ අමුතුවෙන් කිවයුතු නොවේ.
ReplyDeleteදුරස්ථ පාලකය අරයා හොයා නොගත්තානම් මෙයා හොයාගන්නවාය. T 56 අරයා හොයාගත්තේ නැත්නම් මෙයා T 57 හොයාගන්නවාය. අනික් හැම දෙයක්මද එහෙමය.
වෙනස්විය යුත්තේ අපේ චින්තනය නේද?
ඕනෑම දෙයක් තමන්ගේ සීමාවේ සිට කිරීම යහපත්. නැතිනම් වෙන්නේ සමබරතාවය බිඳීම.
Delete//වෙනස්විය යුත්තේ අපේ චින්තනය නේද?// 100% එකඟයි, අපි අතරින් ගොඩක් දෙනා විශ්වාස කරන්නේ දියුණුව කියන්නේ විනාශයක් කියා.
Deleteme rate chinthanaya "GAY"}{ karanna wicharaka maamaata ithaa thada uwamanaawak athi bawa pahadiliya
Deleteසුද්දෝ ඕනෑම දෙයක් හොයා ගන්නවා වගේම, අහිතකර නම් ඉක්මනින්ම අත අරිනවා. අපි මේ දේවල් ඇඟේ බැඳ ගන්නවා. අත අරින්න ඕන වුනත් එහෙම කරන්නේ නෑ. අපි කොහොමත් චින්තනය පට ගලා වෙනස් කර ගන්නවා.
Deleteමිනිස් පරිණාමයේ සිටම හැම දෙයක්ම පහසුවෙන් කරගන්නටයි සෑම විටම මානවයා උත්සාහ කළේ. මුල්ම ගල් ආයුධ පවා සොයාගත්තේ එ් නිසයි. කරෙන් උස්සාගෙන යනවාට වඩා කොටවල බර තබා උස්සාගෙන යන්න පටන් ගත්තා. ඒ විදිහට රෝදය සොයා ගත්තා. ඉතින් සැප පහසුව තමයි මානවයාගේ එකම බලාපොරොත්තුව. ඒ නිසා මේ අහිතකර සොයාගැනීම් ඔවුන් නැතත් වෙන කවුරුන් හෝ අනිවාර්යයෙන්ම සොයා ගන්නවා. යථාර්ථය තේරුම් ගැනීම සහ තමා සිතන විදිහ, ආකල්ප වෙනස්කරගැනීම ගැනත් හිතන්න පුළුවන් නම් මේවා ගැටලුවක් වෙන්නේ නැහැ.
ReplyDeleteමම මේ ගැන කිව්වට මමත් අමු කම්මැලියා. අර බිල් ගේට්ස් කියලා තියෙන ජාතිය. මිනිහා මං වගේ අයට කැමතියි. ඔබ කියනවා වගේ මේක මිනිස් ස්වභාවය වෙන්න ඇති.
Deleteවිචාරකගෙ අදහස හරියට හරි.
ReplyDeleteඒකෙ දෙකක් නෑ. අපි වෙනස් වෙන්න ඕනේ. දැන් කොහොමද ටී.වී. එකක් ආවොත් රිමෝට් නැතිව ? ආපහු ගිහින් දෙයි ඕනෑම කෙනෙක්.
Deleteමිනිස්සු තක්ශනේ යොදා ගන්න හදන්නේ දියුණු වෙන්න නෙවෙයි. තව මිනිහෙක් දියුණු වෙන එක නවත්තන්න. අන්න ඒකයි වැරැද්ද
ReplyDeleteඅපේ රටේ මිනිස්සු වෙනස් කියන්නේ ඕකටනේ. අර කැමරා ෆෝන් එක හැදුවා වගේ දේවල් කරන්න නම් අපේ එවුන් දක්ෂයි.
Deleteමාක් අයියනං හෙට අනිද්ද වෙනකොටම ඔය හිටු කියල ෆොටෝ අප්ලෝඩ් කරන එවුවංගෙන් ගානක් අයකරයි වගේ.
ReplyDeleteඔය සල්ලි දීල රිමෝට් ගන්නව වගේම සල්ලි දීල ගන්න එක්සසයිස් මැෂිනුත් තියෙන්නෙ. ඒව හදල තියෙන්නෙ පුටුවෙම වාඩිවෙලා ඉන්න කට්ටියට තමයි.
අප්ලෝඩ් කරන්න වගේම බලන්නත් අය කරයි. ඉස්සර බිල් ගේට්ස් අයියත් හැම එකම නිකංම දුන්නේ. දැන් සල්ලි නැතුව මොනවත් දෙන්නේ නෑ.
Delete\\වෙනස්විය යුත්තේ අපේ චින්තනය නේද?\\
ReplyDeleteකෙටියෙන්, සරලව, පැහැදිලිව සහ සම්පූර්ණවම විචාරකයියා කියලා තියෙනවා !
අපි වෙනස් වෙනවා ඕනෑවටත් වඩා ඉකමනින්. ඒකෙ දෙකක් නෑ.
Deleteවිචාරකගේ අදහස සමගින් එකඟයි.විය යුත්තේ අපි හිතන හැටි වෙනස් කර ගැනීමයි.
ReplyDeleteඒකෙ දෙකක් නෑ. අපි වෙනස් වෙන්නේ උවමනාවටත් වඩා වෙගයෙන්.
Deleteඕනැම දෙයක් ඕනෑම අතකට යොදාගන්න පුලුවන්. තාක්ෂණය මහන්සියක් නැතුව ගෙඩි පිටින් ලැබෙනකොට වෙන දෙයක් ඕක.
ReplyDeleteසහතිකෙන්ම.
Deleteඒහෙම තමයි සුදීක... හැම අලුත් දේකම හොදක් වගේම නරකකුත් තියෙනවා.... භාවිතා කරන්නන් තමයි ඒක හොදට නරකට භාවිතා කරනවාද කියන ඒක තීරණය කරන්නේ
ReplyDeleteඅපි හොඳ දේ දෝතින්ම බාර ගත්තත්, නරකයි කියල කිව්වම "මොන පිස්සුද?" කියන තත්වයේ ඉන්නේ.
Deleteඔය රිමෝට් එක හදපු මනුස්සයට ඔච්චර නහින්න ඕන් නෑ බොස්.. වැරැද්ද බැටරි කෑල්ල හදපු එකාට පටවලා ෂේප් උනාම හරි.. ඕ යේස්
ReplyDeleteඅනේද බං පත්තරයෝ කියන්නේ මේක නහින්ඩ හදනවනේ ඒකටත් වැඩිය
Deleteඇයි ටී.වී. එක හොයා ගත්ත එකාට ? ටී වී එක නැති වුණානම් රිමෝට් ඕන වෙන්නේ නෑනේ.
Delete@S, A & PM,
Deleteටී වී එකනම් හොයාගත්තවෙන්න බෑ බොස්, ඒක සෑහෙන්න ලොකුයිනෙ, පොලීසියෙන් හොරකම් කරපුවනම් හොයාගන්නව.
රිමෝට් එක හොයාගත්ත එකාට කියල අපේ නැතිවුනපරණ රිමෝට් එක හොයාගන්න පුලුවන්ද?
ආ එතකොට මැෂිම. ඒක නම් හොයාගන්න දෙයක් නෑ. ඒක හදන්න එකෙක් හොයනව
තමන් කරපු නිමැවුමක් නිසා ලෝකේ මුලින්ම කනගාටුවට පත්උන පුද්ගලයා හැටියට සලකන්නේ පරමාණු බිඳීම හෙවත් නයෂ්ටික බලය සොයාගත් තැනත්තා ගැන මම පුංචි සන්දියේ බලපු තිස්ස ගුණවර්ධනයන්ගේ වේදිකා නාට්‍ය මතක් උනා
ReplyDeleteබොහෝ දේවල් ඒවා හොයා ගත්ත මූලික අරමුණෙන් පිටට යන්නේ නොහිතන විදියට.
Deleteඇත්තෙන්ම වෙනස් වෙන්න ඕනෙ අපි හිතන විදිහ හා දෙයක් භාවිතා කරන විදිහයි නේ සුදීක.
ReplyDeleteඒකෙ දෙකක් නෑ. මට මටකයි එක පාරක් ඩෙස්ක්ටොප් එකකට ආපු සී.ඩී. ඩ්‍රයිව්(ක්‍රියේටිව්) එකට ආවා රිමෝට් එකක්. ඒකෙන් වැඩ කරත්දී කථා කරලා වෙනදෙත් කියනවා. ඕපන් ක්ලෝස් කියලා. අත්‍යවශ්‍ය නොවුනත් අපිත් පාවිච්චි කළා.
Deleteමිනිසාගේ කුතුහලය හා වෙළඳපල යන සාධක දෙක නිසා තව තව සතුටු වෙන්නට පුළුවන් විදිහේ හා පසුතැවිලි වෙන්ට සිදුවන මේ වගේ දේවල් බිහි වේවි. මම බොහොම කැමති නව නිපැයුමක් ගැන ඇහුවා කලකට පෙර. ඒත් ඒක වෙළඳපලට ආවේ නෑ . ඒ තමයි ටී වී බල බලා ඉන්න ගමන් කේන්ති ගියොත් ටීවී එකේ මූණටම ගහන්න පුළුවන් (ඒත් හානියක් වෙන්නේ නැති) ගඩොල් කැටයක්. අපේ රටේනම් හොඳට විකිණෙයි කියල හිතෙනවා.
ReplyDeleteඅර වීඩියෝව නම් නියමයි. අද ජංගම දුරබණුවෙ තියනෙ පහසුකම් සහ මම මුලින්ම එරික්සන් T28 ගත්ත කාලෙ තිබ්බ පහසුකම් සසඳා බැලුවාම පුදුම හිතෙනවා.
ReplyDeleteටී වී රිමෝට් එක සොයාගත්තයි කියන්නෙ සෝෆා එකේ අස්සට වැටිල තිබිල නේද?
ReplyDeleteකණගාටුව මෝඩ වැඩක්. මෙහෙම බැලුවොත් ඉතිං කනගාටු නොවෙන කිසිම දෙයක් නෑ.
ReplyDeleteහරිම සෘණාත්මකයි... :-)
ReplyDeleteමේක විචාරකගේ පෝස්ට් එකක්ද? එන්සයිස් ටික මදිනං අමතර විනාඩි 20 ක් විතර අරන් ඔරේ රන් එකක් දුවන්න තියෙන්නේ.. නව සොයාගැනීම් නතර කරන්න කාටවත් බෑ.. එහෙනං වැඩියෙන්ම දුක් වෙන්න ඕන නොබෙල් නෙව. ඒකනේ මිනිහා ලෝක සාමයට කැප උනේ..
ReplyDelete