රටවල් විසිදෙකක අය තේ සාදාගන්නා අකාරය......

1. ජපානය 

මැට්චා යනු ඉතා සියුම්ව කුඩු කරන ලද ජපානයේ වැවෙන ඉතා ඉහල තත්වයේ ග්‍රීන්ටී වර්ගයකි. එය ජපානයේ සාම්ප්‍රදායික තේ උත්සව වලදී භාවිතා කරයි.  

Flickr: 7369638@N02 / Creative Commons

2. ඉන්දියාව

ඉන්දියාවට විවිධත්වයෙන් පොහොසත් තේ පිලිබඳ ඉතිහාසයක් ඇත. තේ කර්මාන්තය බ්‍රිතාන්‍ය යටත්විජිත සමයේ ඇරඹීමට  වසර දහස් ගණනකට පෙර සිටම දකුණු ආසියාවේ කුළුබඩු මිශ්‍ර චායි තේ පිරිනමා ඇත. පින්තූරයේ සටහන්ව ඇත්තේ ඉන්දියාවේ වැවෙන, සුදු දළු වලින් සාදන ඩාර්ජීලින් තේය.

Instagram: @curioustealtd

3. බ්‍රිතාන්‍යය

කහට තේ ලෙස හෝ කිරිතේ ලෙස දිනකට කිහිප වතාවක් බ්‍රිතාන්‍යයන් පරිභෝජනයට ගන්නා අතර අවශ්‍ය නම් එයට සීනි එක් කර ගනිති. කිරි වක්කර ගන්නා විට රත්රන් පැහැ ගැනීමෙන් ඉලක්ක කර ගන්නේ දෙවියන් වෙත දක්වන භක්තියයි. ඒ සඳහා ප්‍රථමයෙන් තේ(කහට) සාදා ගනී.

4. තුර්කිය

උණුසුම් පානයක් ලෙස තුර්කිය වඩාත් ප්‍රසිද්ධියක් උසුලන්නේ කෝපි සඳහා වුවත්,  එහි වැඩි ජනප්‍රියත්වයක් අත් කරගෙන ඇත්තේ සෑම කෑම වේලක් සමගම පිළිගන්වන, බොහෝවිට කෑම වේල් අතරද බොන,  චයි(Cay) තේ එහි ජනප්‍රියම පානය වේ. කහට තේ සමග කිරි එකතු කර නොගන්නා අතර තට්ටු දෙකක තේ පෝච්චියක් මගින් පෙරා එය සාදා ගනු ලබයි(මෙය අපේ රටේ තේ සාදා බොයිලේරුව උඩ තබා ගන්නා අකාරයේ ක්‍රියාවකි. මෙමගින් සිදු වන්නේ සෑදෙන තේ නැවතත් තැම්බීමයි. නමුත් අපේ වැඩිහිටියන් කකාරා තේ බීම හොඳ නැති බව පවසයි).

Flickr: 10527553@N03 / Creative Commons

5. ටිබෙටය

ටිබෙට් වරුන්ගේ පෝ කා(Po Cha) නැතිනම් බටර් තේ යනු තේ, ලුණු සහ යැක් (ගවයන්ගේ) බටර් වල එකතුවෙන් සාදා ගන්නා පානයකි. තිත්ත රස ඇතිකර ගැනීම සඳහා පැය ගණනාවක්ම තේ කකාරවන අතර ඉන්පසුව බටර් සහ ලුණු එහි කලතනු ලැබේ.

6. මොරොක්කෝව

ස්පියර්මින්ට් (මිංචි කොළ වර්ගයක්) ග්‍රීන්ටී හී තැම්බෙන්නට හැර මෙම පානය සාදා ගනී. මෙය මොරොක්කෝවේ මෙන්ම උතුරු අප්‍රිකානු කලාපයේ ජනප්‍රියයි.  

7. හොංකොං

සීත කල කිරි තේ ලෙස හොංකොං හී ප්‍රසිද්ධ මෙම පානය "පෑන්ටිහවුස්"(Pantyhouse) තේ සහ "සිල්ක් ස්ටෝකින්"(Silk Stocking) තේ යනුවෙන්ද හඳුන්වනු ලබයි. එසේ හඳුන්වන්නේ එහි වර්ණය බොහෝසෙයින් නිරුවත් ස්ටෝකින්ස් වලට සමාන වීමයි. එය විහිළුවක් නොවේ. මෙම පානය සාදා ගනු ලබන්නේ සීත කල තද තේ කහට වලට හිඳවන ලද කිරි  හෝ උකු කිරි  මිශ්‍ර කර අයිස් කැට සමග පිරිනමනවා.

8. තායිවානය

මුතු කිරි තේ(Pearl milk tea) නැතිනම් බුබුළු තේ(aka bubble tea) ලොව  පුරා කථා වන මාතෘකා වී ඇති නමුත් එහි මූලයන් ඇත්තේ තායිවානයේයි. එය උණුසුම්ව හෝ සිසිල්ව පිළිගන්වනු ලබන අතර, සීනි සිරප් සමග පිසගත් ටැපියෝකා මුතු(මඤ්ෙඤාකකා වලින් සාදා ගන්නා කුඩා බුබුළු වර්ගයක්) මතට එක් කර සාදා ගනී. මෙනිසා ඔබට ෆ්රැපචිනෝ(ස්ටාර් බක්හී ඇති ජනප්‍රිය පානයක්) අවශ්‍ය නොවේ. 

9. ඇමරිකා එක්සත් ජනපදය

පැණිරස අයිස් තේ ඇමරිකානු දකුණු ප්‍රදේශයේ ජීවනාලිය බවට පත් වී ඇත. ඔවුන් බොහෝවිට තේ සාදාගන්නේ ලිප්ටන් තේ කකාරවා, සීනි මුසු කර පෙරා ගැනීමෙනි. ඔබට මෙයට ලෙමන් නැතිනම් බේකින් පවුඩර් ස්වල්පයක් එකතු කිරීමෙන් එහි මෘදු බවක් ඇති කර ගත හැක. 

10. රුසියාව 

රුසියානුවන් කහට කෝප්පයක් සාදා ගැනීම සඳහා විවිධ වර්ග වල කළු පැහැති තේ කොළ වෙන වෙනම තැම්බෙන්නට හැර පෙරා ගන්නා අතර පසුව එය කොප්පයෙදී මිශ්‍ර කරයි. රුසියානුවන්ද සාම්ප්‍රදායිකව සැමොවාර් නමැති තට්ටු දෙකේ තේ පෝච්චියක් භාවිතා කරනු ලබන එහි එක් කුටීරයක් ජලය සඳහාද අනෙක් කුටීරය තේ සඳහාද භාවිතා කරයි. 

11. පාකිස්තානය

 චායි තේ ඉන්දියාවටම පමණක් විශේෂිත වුවක් නොවේ. පාකිස්තානු සන්ධ්‍යා යාමයේ ප්‍රසිද්දම තේ කෝප්පය වනුයේ සැර ත් ක්‍රීම් ස්වභාවයත් සහිත මසාල තේකය. 

12. තායිලන්තය

චායි යෙන් යනු තායිලන්තයේ තරඟයට එළැඹී ඇති අයිස් යෙදු කිරි තේ වර්ගය වන අතර එය සාදා ගන්නේ උකු කිරි සහ තම්බා ගන්නා ලද තායි තේ මිශ්‍රනයෙනි.

13. චීනය

චීන වැසියන් බෙහෙවින් තේ ප්‍රිය කරන අතර  විවිධ රසයන්ගෙන්යුත් තේ වර්ග විශාල ප්‍රමාණයක් පානය කරයි. පින්තූරයේ තිබෙන්නේ කහ පැහැති තේ කොළ වලින් නිෂ්පාදිත "පූ-එර්හ්" නමින් හඳුන්වනු ලබන තේ වර්ගය වන අතර පැකට් කරනු ලබන්නේ කැට හෝ බෝල වශයෙනි. තේ කෝප්පයට එක් කර උණු වතුර එක් කර සාදා ගත හැක. 

14. ඊජිප්තුව

ඊජිප්තුව විශාල වශයෙන් තේ ආනයනය කරන අතර එහි සුලබව පානය කරන පැණිරස නොමැති කහට තේ මුළු දවස පුරා භාවිතා කරයි. හිබිස්කස් තේ ඊජිප්තු මංගල උත්සව වලට විශේෂත්වයක් එක් කරයි. 

15. මොන්ගෝලියාව

සූටෙයි-ට්සායි  නමැති තේ මිශ්‍රණය සාදා ගන්නේ පැතලි පෑන් එකකට කිරි සහ ලුණු සමග තේ එකතු කිරීමෙන් සාදා ගන්නා පානයකි. මෙම රසවත් පානය බීමට භාවිතා කරන්නේ නොගැඹුරු ලෝහ කෝප්පයක සියළුම ආහාර ගන්නා අවස්ථා වලදී පානය කරයි. 

16. කෙන්යාව

තේ අපනයනයට මෙන්ම පානයටද කෙන්යානුවන් කැමැත්තක් දක්වයි. රට නිෂ්පාදනය කරන්නේ කළු තේ වුවද පානයට රුචියක් දක්වන්නේ කිරි තේ වලටයි. 

17. ආර්ජෙන්ටිනාව

යෙර්බා මෙට් යනු දකුණු ඇමෙරිකානු රටවල වැවෙන සහ පරිභෝජනයට ගන්නා විටමින් වලින් අනුන ග්‍රීන් ටී වර්ගයකි. එමෙන්ම එය පෘතුගාලය, ලෙබනනය සහ සිරියාවේද ඇත. උණුසුම්ව සහ සිසිල්ව පිළිගන්වන්නට හැකි මෙම පානයේ විශේෂත්වය වන්නේ එහි ඇති දුම්ගැසූවාක් මෙන් සුවඳය.

18. දකුණු අප්‍රිකාව

රූයිබොස් ශාඛය තද රතු පැහැයක් සහිත තේ ලබා දෙන අතර එය දකුණු අප්‍රිකාවටම පමණක් ආවේනික තේ වර්ගයකි. සාමාන්‍යයෙන් සීනි හෝ කිරි යොදා භාවිතයට නොගන්නා අතර, එම තේ වර්ගය ස්වභාවයෙන්ම මෘදු සහ පැණි රසයකින් යුක්තය. එය රාත්‍රී නින්දට පෙර පානයට කදිමය.

19. කටාරය

කරක් චායි ලෙස හඳුන්වන වැඩි කහට කිරි තේ කෝප්පය කටාරය පුරාම ජනප්‍රියය. තේ කොළ වතුරත් සමග උතුරවා, 

20. මොර්තේනියාව

මොර්තේනියානු(උතුරු අප්‍රිකාවේ රටකි) මින්ට්/ග්‍රීන් තේ කෝප්පය විශේෂිත වන්නේ එය පිරිනැමීමේ සිරිත නිසාය. තේ බොන්නන් වරකට තේ කෝප්ප තුනක් පානය කරයි, ආරම්භයේදී තිත්ත රසක් ඇති මුත් අවසන් කෝප්පය වනවිට ක්‍රමයෙන් පැණිරස වැඩි වේ. ශ්‍රී ලංකාවේදී මෙන් "යාරය " දමා තේ කෝප්පයේ පේන ඇති කිරීමද සිදු කරයි. 

21. මැලේසියාව

මැලේසියාව තේ අවශ්‍යතාවන් පරිපූර්ණත්වයට පත් වී ඇත්තේ එය අතුරුපස සහ සුලු කෑමක් සමග එක් කර ගැනීමෙනි. පෙන දමන තේ කහට සීනි සහ කිරි මුසු කොට සීතාව පිළිගන්වයි. ක්‍රීම් සංග්‍රහය දෙනු ලබන්නේ කෑම වේලක් අවසානයේ හෝ දහවලේදීය. 

22. කුවේටය

සිත්ගන්නාසුළු සුපුරුදු සන්ධ්‍යභාග තෝරාගැනීමක් වන තේ කෝප්පය ඔවුන් සාදා ගනු ලබන්නේ තේ කහට සමග කරදමුංගු සහ සැෆ්රන් එකතු කර එයට කුළුබඩු රසයක් එක් කර ගැනීමෙනි. 

මෙය www.buzzfeed.com වෙබ් අඩවියට චෙල්සි පිපින්(Chelsey Pippin) විසින් සම්පාදනය කරන ලද  This Is What A Cup Of Tea Looks Like In 22 Different Countries ලිපියේ පරිවර්තනයකි.