මගේ මිත්‍රරයෙක්ට මේ ළඟදී එයාලගේ තාත්තගේ තුන් මාසේ දානෙට හාමුදුරුවෝ වඩම්මන්න බෙර/නලා කණ්ඩායමක් ගෙන්න ගන්න ඕන වෙලා. එයාගේ තාත්තගේ මළගමට වගේම හත් දවසේ දානේටත් බෙර ගහපු කණ්ඩායමේ සම්බන්ධීකරණ කටයුතු කරන කරුනාසේනගේ මොබයිල් ෆෝන් එකට කතා කරලා.
මිතුරා : අන්කල් මම මේ ප්‍රසන්න කතා කරන්නේ. අර (ඇඩ්රස් එක කියයි) ඉන්නේ. මතකද අර අපේ තාත්තගේ මල ගෙදරටයි හත් දවසේ දානෙටයි ආවේ.
කරු : මහත්තයෝ, ඇත්තම කියන්නේ මට මතක නෑ. මොකද අපිටත් දවස් හතේම වැඩ වරදින්නේ නෑනේ. අහල ගං හතකට ඉන්නේ අපි ටික විතරයි. කියන්නකෝ මොනවද ඉතිං වෙන්න ඕනේ.
මිතුරා : අපේ තාත්තගේ තුන් මාසේ දානේ තියෙනවා මේ මාසේ විසි හත් වෙනිදට. එදාට හාමුදුරුවෝ වඩම්මන්න හේවිසි ගහන්න තමා කතා කලේ.
කරු : දෙන්න පුළුවන් මහත්තයා. හැබැයි නලාව නැතුව.
මිතුරා : මොකක් ? බෙර විතරක් නලා නැතුව. මිනිස්සු හිතයි මං මහ කුණු ලෝබයෙක් කියලා. අනේ අංකල් නලා නැතුව නම් බෑ. ඇයි නලා ගහන එක්කෙනාට මොකද? අසනීපයක් වත්ද? නැද්ද වෙන කෙනෙක්.
කරු : මහත්තයෝ, ඔය නලා ගහන මනුස්සයා හරි උනන්දු මනුස්සයා. නිතරම අලුත් සිංදු පුරුදු වේවි ගැහුවා. මේ ළඟදී ලොකු මුදලාලි කෙනෙකුගේ පිරිතකට යන්න අපි හොඳටම සුදානම් වෙලා ඉන්නකොට තමයි මහත්තයෝ මේ කරදරේ වුනේ. ඒකට අලුත් සිංදුවක් අල්ල අල්ල ඉන්නකොට තමයි මිනිහා මලේ.
මිතුරා : අයියෝ .... මිනිහා මලාද. හරි අහිංසක මනුස්සයා. ඉතිං ඉතිං මොකද වුනේ. මං හිතන්නේ මිනිහා බොන නිසා වෙන්න ඇති. (මගේ මිත්‍රයාගේ මතකෙට අර කිරුල මුතු ලිහී කියන ගීතය එක පාරටම හිතට ඇවිල්ලා)
කරු : අනේ නෑ මහත්තයා. අපේ ඔය නල ගහපු සමරපාලයා හැම තිස්සෙම අලුත් සිංදු පුරුදු වුණා. දන්නවනේ මහත්තයා අපේ ඔය නලා පාර ගහන්නේ වඩම්මන හාමුදුරුවොත් නැටවෙන්න. මහත්තයා දන්නවනේ මිනිහට අල්ලන්න බැරි සිංදුවක් නෑ. මහත්තේලාගේ එක වෙද්දී වගේ මිනිහට තිබ්බ හොඳම සින්දුව තමයි කොලවෙරි එක. ඒක ලස්සනට ගහනවා. ඒ වගේම තමයි මේ දවස් වල රේඩියෝ එකේ යන ජනප්‍රිය සිංදු ඔක්කොම මිනිහා දන්නවා. මේ ළඟදී අඩියක් එහෙම ගහලා අලුත් සිංදුවේ තාලේ අල්ලනකොට තමයි මිනිහට මේ කලබගෑනිය වුනේ.
මිතුරා : ඉතිං ඉතිං මොකක්ද අංකල් ඔය සිංදුව. මං හිතන්නේ "නොදක ඉන්න බෑ වෙන්නැති"
කරු : අපෝ නෑ. ඒක සමරයට පුළුවන්.
මිතුරා : එහෙනං හීනයක් වගේ, හිත හදා ගන්න බෑ, ඔබ මට අහිමි වෙලා, දුක වැඩි තරමට, නිහඬ ගමනේ, හිත දුර හන්දා, සිනාසෙන්න බෑනේ, පෙරදාක සුසුමක්, ඇහිදරා, මට ඔයා මගේ පණ වගේ?
අපේ මිත්‍රයා දිගටම කියාගෙන ගියා
කරු : නෑ.... නෑ.... මහත්තයා. ඔය එකක් වත් නෙවෙයි. ඒක කියන ගමන් නටන්න ගිහිං නලාවේ කෑල්ලක් උගුරේ හිර වෙලා තමයි මේකා මලේ. අර මහත්තයෝ ආවේස වෙලා වගේ නටන්නේ, අත කරකවා
"ඕපන් ගංගම් ස්ටාර්" කියලා. අන්න ඒක.
සිරා කේස් එකක්ද?
ReplyDeleteපස්සේ කියන්නම්.
Deleteමම අහන්න ආවෙත් එකම තමා එහෙනම් බලාපොරොත්තුවෙන් ඉන්නවා.මේ පොස්ට් එකේ රසයට බලපෑමක් නොවෙන විදියට දැනගන්න.
Deleteඋපහාසය කදිමය.තෙරුවන සරණයි!
ReplyDeleteබොහොම ස්තුතියි. තෙරුවන් සරණයි.
Deleteඔය දානවලට බෙර, නලා ගහනවට මම නම් විරුද්ධයි. මට හිතෙන්නේ, පේන්ට කරන දේවල් කියලා . ඒ සල්ලිවලින් දුප්පත් ලමයින්ට පොත්, පෑන්, පැන්සල් වගේ දේවල් අරන් දුන්නානම් ඉවරයි.
ReplyDeleteමිනිස්සු හදාගත්තු බොරු දේවල් නේද මේවා? හාමුදුරුවරු වඩින බව බෙර ගහලා කියන්ට.
මෙහෙමයි බෙර ගැහීමේ එක් තේරුමක් තමයි දෙවියන් කැඳවීම. විහාරයේ සිට ධාතු වැඩමවීම අනිත් කාරණය. එම බෙරහඬ නිසා අවට ජනයාට ධාතු කරඬුවට අත ගැසීමේ වාසනාව උදා වෙනවා.
Deleteහැම එකම තර්කයෙන් මනින්න එපා. ඒ වගේම ඇපලුයි දොඩනුයි සංසන්දනය කරන්නත් එපා. බෙර , හේවිසි , නලා පිම්බීම අයිති වෙන්නේ ශබ්ද පූජා ගණයට. ඉඳුල් , පොත් , පැන්සල් , මල් , පහන් විතරක් නෙමෙයි ශබ්දයත් පූජා කල හැකි දෙයක්.
Deleteශ්‍රධාවෙන් ශබ්ද පූජා කොට එහි විපාක ලෙස කල්ප ලක්ෂ ගණනක් නිරයට නොගොස් කෙළවර නිර්වාණය අවබෝධ කල තෙරුන් වහන්සේලා ගැන විස්තර අපදාන පාලියේ සඳහන් වෙනවා.
එහෙම නොවුනත් , මිනිසුන් ශ්‍රද්ධාවෙන් (හරි නැතුව හරි ) කරන පින්කම් වල අහු කොන් හොයන්නේ නැතුව ඒවා සතුටින් අනුමෝදන් වීමට බැරිකම ලොකු අඩුවක්.
ඔබේ දැනුම බෙදාගැනීම පිලිබඳ ස්තුතිය.
Deleteහොරනෑව දැන් බයිලා සිංදු විදියට පිම්බට මම හිතන්නේ ඉස්සර බෞද්ධ ශ්‍රද්ධාව ඇතිවෙන විදියට පාවිච්චි කරන්න ඇති.
Deleteමේවාට හින්දු භක්තිකයින් විසින් ගහන මෝලං වල ආභාෂය ලැබෙන්න ඇති.
Deleteඔප්පන් ගන්දස්සාර් එක නේ! හික්ස්!!!
ReplyDeleteබැරි තාල අල්ලන්න ගියාම නාඩි අප්සැට් වෙනවානේ.
DeleteLmao..
ReplyDelete?
Deleteඌප් ඌප් කියන කෑල්ල කියන කොට උඩට අදින්න ඔන වෙලාවෙ වෙන්නැති
ReplyDeleteඋගුරෙ හිරවෙන්නැත්තෙ
පව් ඌප් සෙක්සී කියන්න බැරිවෙන්න ඇති
එහෙම වෙන්න ඇති.
Delete1.“මහත්තයෝ, ඇත්තම කියන්නේ මට මතක නෑ. මොකද අපිටත් දවස් හතේම වැඩ වරදින්නේ නෑනේ.“
ReplyDelete2.“මහත්තේලාගේ එක වෙද්දී වගේ මිනිහට තිබ්බ හොඳම සින්දුව තමයි කොලවෙරි එක.“
1 හා 2 පරස්පර විරෝධීයි නේද?
//අපේ තාත්තගේ තුන් මාසේ දානේ තියෙනවා මේ මාසේ විසි හත් වෙනිදට//
Deleteමේ කෑල්ලෙන් කරුට තේරෙනවා මාස තුනකට කලින් කතාවක් කියන්නේ කියලා.
1.“මහත්තයෝ, ඇත්තම කියන්නේ මට මතක නෑ. මොකද අපිටත් දවස් හතේම වැඩ වරදින්නේ නෑනේ.“
ReplyDelete2.“මහත්තේලාගේ එක වෙද්දී වගේ මිනිහට තිබ්බ හොඳම සින්දුව තමයි කොලවෙරි එක.“
1 හා 2 පරස්පර විරෝධීයි නේද?
හික්ස්... :)
ReplyDeleteසුභ වේවා!!! රාජ සම්පත් ලැබේවා!!!
බලාගෙන රජෝ කෙල හිරවෙලත් මිනිස්සු මැරිලා තියෙනවා.
Deleteසින්දුවක් කරපු හදියක්
ReplyDeleteරැල්ලට යන්න ගියාම ඔය වගේ වැඩ වෙනවා.
Deleteහැමදේම ගංග්නම් වෙලා තියෙන මේ කාලෙ හේවිසි වාදනේත් එහෙම නොවී බේරුණොත් ඇති..
ReplyDeleteඇත්තටම ඔවුන් අලුත් ගීත වාදනය කරනවා පුහුණු වෙලා.
Deleteමදැයි නලාව නව රිද්ම කරන්න ගියා. අයියෝ සමරේ..
ReplyDeleteහෙහ් ... හෙහ්... හෙහ්...
Deleteඈහ් හාමුදුරුවො වඩම්මන්නෙ කොලවරි ගහලද ?? දැන් කාලෙ වෙන විපිරියාස වල හැටියට නොවෙන්න බැරි කමකුත් නෑ කියලා හිතෙනවා..
ReplyDeleteකතාවට තදින් සිනා..
එහෙම වෙන තැනුත් ඇති. නලාවට පිඹ ගන්න පුළුවන් ඕනෑම සිංදුවක් එයාල ගහනවා. මගේ යාලුවෙක් එක පාරක් රඟපාලා පෙන්නුවා හාමුදුරුවෝ ඩාන්ස් කරන්න වගේ ඇවිදින විදිය මේ සින්දු යත්දී.
Deleteහෙහ් හෙහ්
ReplyDeleteපෝය දවසෙ රේඩියෝ එකේ පන්සිල් දාගෙන කියවන්න ගත්තෙ.සුපිරි කතාවක්.ටික දවසක් යනකන් මග දිගේත් මතක් කර කර හිනාවෙන්න පුළුවන් සුපිරි කතාවක්.කෙටියෙන් ලොකු විනෝදයක් ලබපු ඔබගේ පළමු එකද මන්ද :)?.
ReplyDeleteබොහොම ස්තුතියි.
Deleteමම හිතුවේ මේකට අඩුම ප්‍රතිචාර තියෙයි කියලා. බලනකොට නොහිතපු ජනප්‍රියත්වයක් ලැබුණා.
Deleteහෙහ්,හෙහ්! ඒ වුනාට හිනාවෙන එකත් හරිද මන්දා.
ReplyDeleteඅපේ සංස්කෘතික පරිහානිය ගැනත් ඕන නම් හිනා වෙන්න පුළුවන්.
Deleteකාලෙකට කලින් අපේ ගමේම වුනු සිද්දියක්. දානෙට හාමුදුරුවෝ වලා තියෙන්නේ ටිකක් පරක්කු වෙලා.ඉතින් මේ නලාව ගහපු එකා ගහල තියෙන්නේ දැනුවත්ව හෝ නොදැනුවත්ව "හනික යමන් පුල්ලි ගොනෝ මෙල්ල නොවී තරඟෙට" හමුදුරුවොන්ට කේන්ති ගියපු සැරේ බැනලා එලවල, ඒ හාමුදුරුවෝ වාඩින කිසි දානෙකට මේ යකාට එන්න දීලා නැහැ.
ReplyDeleteහෙහ් හෙහ් හෙහ්.
Deleteසිරා සිද්දියක් නම් අතිශයින් ලොල් සහගතයි අයියා.හෙහ් හෙහ් මෙහෙමත් මිනිස්සු.
ReplyDeleteමේක නලා ගහන අය කාලෙක ඉඳන් කරන දෙයක්. කාලෙට තියෙන ජනප්‍රිය සිංදු විතරක් නෙවෙයි බයිලත් ගහනවා.
Deleteඕපන් ගංගම් ස්ටාර්,, හයියූ,, දන්න දේ කරගෙන ඉන්නැතුව..
ReplyDeleteඅපි එක තැන හිටියට එයාල වෙනස් වෙනවා.
Deleteමට හිනා ගියේ නැහැනේ.....ඔයාගෙ ලොල් කතා සීරිස් එක බලලා වෙනදට මම බඩ අල්ලගෙන හිනාවෙන්නෙ....අද මගෙ මූඩ් අප්සට්ද...හී...හී
ReplyDeleteඅර අන්තිමට දාපු හී හී දෙක කොහෙන්ද ආවේ ?
Deleteගොඩක් වෙලාවට හේවිසි කණ්ඩායම් පැරනි චාරිත්‍ර වෙනුවට කරන්නේ අලුත් ගිත වාදනය කරන එකයි. ඒ වුනත් චාරිත්‍රානුකූලව ඒ දේ නියම ආකාරයෙන් කරනව නම් තමයි එහි ගුණය ලැබෙන්නේ.
ReplyDeleteහින්දුන්ගේ මෝලම් වල අභාෂය මේවාට ලැබුණා වෙන්න පුළුවන්.
Deleteහත් ඉලව්වයි..... නලා කාරයොන්ටත් ගිය කල....
ReplyDeleteලෝකකරණය.
Deleteසිරාවටම එහෙම සින්දුත් ගහනවද ,, මන් අහල නෑ නේ
ReplyDeleteගහනවා ගහනවා.
DeleteMan hithuva oya sinduva thamaa me manussayata kelinna aththe kiyala ;)
ReplyDeleteහෙහ් ... හෙහ්....
Deleteමිනිහෙක්ගේ මරණය වෙනුවෙන්.. අහිංසක කලාකරුවෙකුගේ මරණය වෙනුවෙන්.. හිනා වෙලා කමෙන්ට් කරපු සියළුම බ්ලොග්කරුවන් ගැන අප්‍රසාදය පල කරමි... මගේ මානුෂීය මෙව්වා එක් ඌවා උනා... මමත් ඉන්නේ මෙහෙම බ්ලොග් කරුවන් අතර නේද කියලා හිතුනාම මට චී කියලා හිතුනා... මට ඇඩුනා... මේ ගලා යන කඳුළු...
ReplyDeleteදැන් කට්ටියට අඬන්න කඳුළු ඉතුරුද මන්ද ? අර බාල කොලුවා ගැන අඬලා දොඩලා ඉවර වුනා විතරයිනේ.
Deleteඇත්තටම දැන්..දැන් සියලු දානමය ආදී පූජාවන්ට සිදුකරන හේවිසි වාදන.. හරිම අශෝභනයි..රටේ නැති සිංදු ගහන්නෙ.
ReplyDeleteමේ ලඟදි පන්සලක උත්සවයකට ඇවිත් තිබුන හේවිසි කන්ඩායමක් අම්බලන්ගොඩින්,තරුන පිරිසක්..හරිම ලස්සනට නියම හේවිසි, ගායනාවන් කරන ගමන් වාදනය කලේ පැරනි ආකාරයට..ඇවිත් හිටිය හැමෝම ප්‍රශංසා කලා.
කතාවට නම් තදින් සිනා..හෙහ්..හෙහ්..!
ඒ වගේ කණ්ඩායමට හොඳ ඉල්ලුමක් තියෙයි.
Deleteතවම අල්ගම මම දන්න හොද හේවිසි කණ්ඩායමක් ඉන්නවා පැරණී වාදන ඒ ආකාරයටම ඉදිරිපත් කරන.. තරුණ මහළු දෙකොට්ඨාශයම කණ්ඩායමේ ඉන්නවා... ඒ අතර තරුණ ගුරුවරු කිහිප දෙනෙකුත් හිටියා... පෙරහැරකදී මිනිස්සු අනිත් දේවල් නවත්තලා හේවිසි කණ්ඩායමත් එක්ක යනවා ඒ තරමට රිද්මයානූකුලව වැඩේ කරනවා...
Deleteඅඩුම ගානේ මේ පොස්ට් එක නිසා මේ වගේ හොඳ හේවිසි කරුවන් ඉන්න පළාත් ගැන වත් විස්තර දන ගන්න පුළුවන්.
Deleteකොලවරි ගැහුවට මොකෑ බන්. උදේ පාන්දර පැයයි, හැන්දෑවේ පැයයි ලවුස්පීකරෙන් පිරිත් අහලා මම මේ මුස්ලිම් උන් ඉන්න පැත්තකට යන්න ලෑස්ති වෙන්නේ. උන් මොර දෙන්නේ විනාඩි පහයිනේ...
ReplyDeleteඕවා ගැන කථා කරන්නේ පරිස්සමින්. දන්නැද්ද ඇයිබෝවන්ඩ ?
Deleteපෙරහරවල් වල නම් ඔව්ව ගහනවා ඇහිලා තියනවා..හාමුදුරුවෝ වඩම්මනකොටත් ඕවගේ සින්දු ගහනවද අප්පා..? හැක හැක හැක..මම මේ කල්පනා කොලේ හැම සින්දුවක්ම අල්ල ගන්න මිනිහට ඕක වැරදුනේ මිනිහාගේම කරුමෙටද කොහෙද..පොර නලාව පිඹලා නෙමෙයිනේ ඇදලානේ.
ReplyDeleteඋඩ පැන-පැන අත කරකවන්න ගිහිං. D.
Deleteහොඳ කතාවක්. නමුත්, නලාකරුවෙකු නිසා සිනහ වෙනුයේ නැහැ.
ReplyDeleteඒක විතරමද ?
Deleteහෆ්ෆා.. ඒකත් හරි භයානක වැඩේනේ බලාගෙන යද්දී..
ReplyDeleteකොයි දේත් භයානකයි.
Deleteමේ කතාවේදී අපි හාස්‍යය උපරිමයෙන් ලබනවා සුදීක. ඉතාම හොඳ නිර්මාණයක්. හැබැයි හිනාවෙලා ඊළඟ පිටුවට යන්න නෙවෙයි මෙවැනි කතා නිර්මාණය වෙන්නේ. මෙහි යටිපෙළ අරුතේ තිබෙන්නේ අප විසින්ම හොඳය සැපය කියා වැළඳගන්නා දහ ජරාවල් නිසා සිදුවන සංස්කෘතික පරිහානියයි.
ReplyDeleteමොකක්දෝ හේතුවක් නිසා හාමුදුරුවෝ වඩම්මන වෙලාවට කරන හොරණෑ වාදනය මට හොඳට මතකයි. වරක් අපේ පන්සලට ඔය මොඩ් (මෝඩ?) 'නලාකාරයෙක්' (හොරණෑ වාදන ශිල්පියකු නොවේ)ඇවිත් සින්දු ගහන්න හැදුවා. මම අපේ හාමුදුරුවන්ට කිව්වා සිදුවන දේ. හාමුදුරුවෝ හේවිසි කණ්ඩායමම ඉවත් කළා මුදල් නොගෙවා.
අසමි දකිමි සොයමි ලියන විචාරක
ඔබේ වයස නිසා තමයි ඔබට මෙහි යතාර්ථය දකින්න පුළුවන් වෙලා තියෙන්නේ. මටත් මේ ගැන උපහාසය එක්ක මිශ්‍ර වෙච්චි දුකකුත් තියෙනවා.
Delete