Monday, March 26, 2018

අවුකනට එහා පිළිමේ ......

අවුකන ප්‍රතිමාව ඉතාමත් සොඳුරු නිර්මාණයක් විදියට තමයි ඒ පිලිබඳ විසේසඥයින් සහ බෞද්ධ ජනතාව සලකන්නේ. එතැනට ගිය කෙනෙක් විශ්මයෙන් ඒ දෙස බලා සිටිනු හැර වෙන කුමක් කරන්නද ? මේ අත්දැකීම මමත් වින්දා. මගේ මුහුණු පොතේ ඒ පින්තූර බෙදා ගත්තා වගේ මතකයි. ඒත් ආපසු ගොස් ඒ පින්තූර හොයාගෙන එනවාට වඩා හොඳයි ගූගල් දේවියන්ගෙන් පින්තූර දෙකක් ඉල්ලා ගන්න එක. මොකද ෆේස්බුක් කියන්නේ සූදුවක්. මම මගේ මුහුණු පොතේ ඒකට ස්ලෝගන් එකකුත් තැබුවා "පහළට යන ගමන්" කියළා. ගියොත් කරන්නේ ඕන දේ නෙවෙයි. ඒ වගේමයි ඔබගේ ස්මාර්ට් ජංගම දුරකථනය, කාට හරි කෝල් එකක් ගන්න ෆෝන් එක ගත්තොත් වට්ස් ඇප්, වයිබ්ර්, ෆේස්බුක්, ඉමෝ ටික බලලා ඉවර වුණාම ගිය දේ මතක නැති වෙනවා. තව ඩින්ගෙන් ලියන්න ආව දේත් මට අමතක වෙනවා. 

ඉතිං මගේ කතාව අවුකන ගැන නෙවෙයි. අවුකන ගැන බොහේ දෙනෙක් බොහෝ දේ කථා කරලා තියෙනවා.මම කියන්න යන්නේ එයාගේ සහෝදරයා හදපු දෙවෙනි පිළිමේ ගැන. ඒ ගැනත් මම දන්නේ බොහොම පුංචි විස්තරයක්.  නොදන්නා අයට දැන ගන්න ඒ කතාව කෙටියෙන් කියන්නම්. අයියා මලෝ දෙන්නෙක් තමයි මේ විදියට හූවක දුරින් පිළිම හදන්න පටන් අරන් තියෙන්නේ. කුමක් හෝ තරගයක් තිබුණාම කෙනෙක් ජය ගන්නවා, කෙනෙක් පරදිනවා. ඉතිං මේ තරගයේ මුලික කොන්දේසියක් තමයි, කලින් ඉවර වුණ කෙනා හුවක් තියලා තමන්ගේ ජයග්‍රහණය සමරනවා කියන එක. එතකොට අනිකා දන්නවා තමන් පරාදයි කියළා. නමුත් ඒ කොන්දේසි වල නෑ දෙවෙනියා මගින් වැඩේ අල්ලලා දානවා කියළා. එහෙනං කොහොමද වැඩේ මග හිටියේ? දැන් කාලේ ප්‍රොජෙක්ට් වලට වගේ සල්ලි ඉවර වෙලා වැඩේ මග අැණ හිටියද ? නෑ. දෙවෙනියා තමන්ට ඇති වෙච්ච ශෝකෙට පපුව පැලිලා මැරුණා. ඔය පපුව පැලුනා කිව්වට මම හිතන්නේ හාර්ට් කේස් එකක් තමයි හැදිලා ඇත්තේ. ඒ කාලේ චෙකප් දාන්නේ නැති නිසා පලවෙනි ස්ට්‍රෝක් එකෙන්ම කම්බස්. නැතිනම් ඒසා පින් කන්දරාවක් කරපු කෙනෙකුට ඒ වගේ ඉරණමක් අත් වෙයිද ?
පින්තූරය ගත්තේ : www.amazinglanka.com
මේක රැස්වෙහෙර කියළා මතක් වුණේ ගූගල් සර්ච් කළාම ආපු පින්තූරේකතාව කියෙව්වම

මට මේ නිධාන කතාව යලිත් මතකයට ආවේ අද හිතට  වද දීපු සිංදුවක් අහන්න ගිහිං ඔබේ නලයේ නොහොත් යූටියුබ් එකෙන් ඒකෙ වචන ටික දැක්කම. අපි බොහෝ ගීත වල මුල් කොටස පමණක් දන්න නිසා, ඒ කොටසේ ලස්සන විතරක් රස විඳින්න පුරුදු වෙලා ඉන්නවා. මේ වගේ සම්පූර්ණ ගීතය ලිරික්ස් එක්ක අහපු වෙලාවට තමයි, තේරුම හෝ නිධාන කතාව හොයාගෙන යන්න හිතෙන්නේ. වැඩේ තියෙන්නේ මේ ගීතේ මැද කොටස් කොහොම කිවුවද කියලත් හිතෙනවා. නමුත් මේ ගීතයේ පළමු කොටස(මම මේවට කියන ටෙක්නිකල් නේම්ස් දන්නේ නෑ, අර අන්තරා කොටසද මොකක්ද ), ඉතාම භාව පූර්ණව ගායනා කරන්න මටත් පුළුවන් ඒ වුණාට මැද කොටස් දෙක කියන්න නම් සක්කරයාගේ පුතා වයිමටත් බෑ කියලයි මට හිතෙන්නේ. මට සිංදුවක් නැගලා ගියොත් ඒක කට පාඩම් වෙනකං අහන සිරිතක් මගේ තියෙනවා. අන්න ඒ අමාරුව නිසා තමයි මේ අමාරුවේ වැටුණේ. ඒ නිසා තමයි මේ පොස්ට් එක වැටෙන්නෙත්. සමහරවිට මේකේ රචකයා මගෙත් එක්ක අමනාප වෙන්නත් පුළුවන්. නමුත් ඔහු ලියපු නිසදැසක් වෙන්න ඇති කියළා තමයි මට හිතෙන්නේ. මේකෙන් කියවෙන්නේ ඉතාම සරල ආදරයක් ගැන වෙන්න ඕනේ. නමුත් කියන ගායකයාව මේ වගේ අමාරුවේ දාන්න සින්දු ලියන එකනම් ...

මෙන්න ගීතය යූ ටියුබ් සබැඳියාව

තවත් ඇද - ඇද ඉන්නේ නැතිව සිංදුව මොකක්ද කියළා කියන්නම්. මාසේ අන්තිම දවස් නිසා වීඩියෝව දන්නේ නැතිව ඉන්නම්.
කවියක් වගේ විඳිනවා
පවනක් වගේ දැනෙනවා
මුහුදක් වගේ කැළඹිලා
සුළඟක් වගේ ආදරේ ......//
සුමුදුයි වදන්
අරුතක් නැතත්
බොළඳයි ඔවුන්
සොඳුරුයි හැඟුම්......//
කවියක් වගේ ......
 කඳුලුත් පිරෙයි
හසරැල් ගලයි
ඉවසුම් නොදෙයි
සොඳුරුයි හැඟුම් ......//
මම සංගීත විචාරකයෙක් නම් නෙවෙයි. ඒ වුණත් මම හොඳ රසිකයෙක්(මේ වාක්‍යයේ බ්ලොග් කාරයෝ දෙන්නෙක් ගැන කියවුණා. කෙනෙක් නම් අප අතරින් සමු ගත්තා. අනිකා ගැන කිසිම හා-හූවක් නෑ). ඒ නිසාද මන්දා මම පුරුදු වෙලා තියෙන්නේ එක ගීතෙක එක රිදම් එකක් තියෙන ඒවා අහන්න. මෙහෙම නැති ඒවාත් තියෙනවා. මල් පිපෙයි - දෙනෙත් ඇරෙයි කියන අඹ යහළුවෝ ගීතය ඒ වගේ එකක්. නමුත් එක බටහිර ආරේ තනුවක් බවයි මගේ විශ්වාසෙ. බටහිර ගීත නම් අනිවාර්යයෙන් රිදම් දෙකක් හෝ වැඩි ගණනක යනවා. මට හිතුණා මේක රී-මේක් එකක් කළොත් හරි යයි කියළා. ලිරික්ස් එහෙම හදනවට කියන්නේ රී මේක්  නෙවෙන වග  මම දන්නවා. නමුත් ඒ කර්තව්‍යයට කියන්නේ මොකක්ද කියළා මම දන්නේ නෑ.මොකද මේක මගේ ඉන්ඩස්ට්‍රි එක නෙවෙන හින්දා. නමුත් මම ගීත දෙකක් ලිවුවා. ඒවා තවතමත් මගේ ගාව තියෙනවා. එකක් ගායකයා හොඳටම කැමති වුණ එකක්. නමුත් දැන් ලංකාවේ ගීත කෙරෙන්නේ මාෆියා ක්‍රමයකට නිසා ඒවා ලත් තැනම ලොප් වුණා. මේ ගැන මට දයානන්ද රත්නායක අපේ සහෝදර බ්ලොග් කරුගෙන් හරි ඉයන් ලින්තොටගෙන් වත් උපදෙසක් ගන්න බැරි වුණා. මොකද මම එක ගීතයක් ලිවුවේ අපේ රටේ හොදටම ප්‍රසිද්ධ වුණු එක්තරා ගායකයෙකුගේ රිදම් එකට හරි යන්න. කොටින්ම මම ගීතය ලියද්දී හම් කළේ එයාගේ රිදම් එකට. ඒ නමුත් මම මේ ගීතය තවත් දෙදෙනෙකුගේ මිතුරන්ට යොමු කළා. දෙවෙනි මිතුරා තමයි මට හරි කතාව කිව්වේ. 
අයියේ, දැන් ලංකාවේ සිංදු හදන්නේ ඉස්සර ක්‍රමයට නෙවෙයි. කෙනෙක්  ලියපු සිංදුවක්, සංගීතය කරන කෙනා සංගීතය දාලා, ගායකයා කිව්වේ ඉස්සර. දැන් මේවා සල්ලි වලට ගන්න කොම්පැණි ඉන්නවා. එයාලා ගායකයාට අතට ලක්ෂ දෙකක් විතර දෙනවා. ඉන් පස්සේ ලියපු කෙනාට සිංදුවේ අයිතියක් නැති ගානයි. ඔය නිසා දැන් ගායකයොත් සින්දු කරන්නේ කොම්පැණි ක්‍රමේට. මොකද පාඩුවක් නෑනේ.
 ඔන්න කතන්දරේ. මම ගායකයාගේ නම කියන්නේ නැත්තේ එයා බොහොම කාරුණික පුද්ගලයෙක්. ඒ වගේම නොපැකිලිව මගේ ගීතය බලලා, ඒකෙ එක කොටසක් වෙනස් කරන්නත් මගෙන් ඉල්ලුවා. මම ඒ ටිකත් කළා. එයා එක වැඩසටහනක කිවුවා, දැන් කියන්න තරම් හොඳ ගීත ලියවෙන්නේ නෑ කියලා. මෙයා කිවුවේ සුභාවිත ගීත ලියවෙන්නේ නෑ කියළා. ඉතිං මම මේ චැලේන්ජ් එක අරගෙන එදාම එයාට මේ ගීතය වයිබර් කළා. අන්තිමට වැඩේ නොකෙරෙන තැනට ආවම, මමත් නිහඬ වුණා. මොකද මේක මගේ ඉන්ඩස්ට්‍රි එක නොවෙන නිසා. හැබැයි මම මේක කවුරු හරි ලවුවා කියවනවා. මොකද මට මේකට සල්ලි වියදම් කරන්නත් උවමනා නෑ. ඒ වුණාට මේක ගීතයක් කරන්න තියෙන ආශාව අත හරින්නෙත් නෑ.  

දැන් අපි අවුකන කතාවට ආපහු එමු. මට මේකට මේ  අවුකන  කතාව මාතෘකාව විදියට දාන්න හිතුන කාරණා දෙකක් තියෙනවා. එකක් තමයි මට මේ ගීතේ පේන්නේ  අර  පපුව පැලිලා මැරුණු කෙනා හදපු බුද්ධ ප්‍රතිමාව වගේ. මේක ලියපු කෙනාට අවමන් කරන්න හිතාගෙන ලියපු කතාවක් නෙවෙයි. මේක ලිව්වේ කවුද කියලවත් මම දන්නේ නෑ. හැබැයි මට හොඳටම විශ්වාසයි මේක නිසඳැසක් කියළා. මේ ශයිලිය ඒ ආරේ තියෙන්නේ. එහෙම නෙවෙයි නම් ගැත්තාට අනුකම්පා කරන සේක්වා. වැඩේ තියෙන්නේ මට මේක පෙනෙන්නේ එහමම තමයි. මේක මැද්දට තව වචනේ ගානේ එබුවොත් වැඩේ හරි යනවා. අපි නිකමට හිතමු පළමු (අන්තරා ද මන්දා) කොටසට "අනේ" කියන වචනේ එබුවා කියළා. ඔන්න එතකොට ඒ කොටස ලියවෙනවා මෙහෙම.
සුමුදුයි අනේ වදන්
අරුතක් අනේ නැතත්
බොළඳයි අනේ ඔවුන්
සොඳුරුයි අනේ හැඟුම්......//
මේ විදියට දැම්මම පළවෙනි කොටසේ රචනා ශයිලියටත් ගැලපෙනවා. තේරුමත් වෙනස් වෙන්නේ නෑ. වෙනස් වචන හතරක් දැම්මොත් තේරුම වෙනස් වෙන්න පුළුවන්. වැඩේ දෙල් වෙන්නේ දෙවෙනි කොටසට හරි යන තනි වචනයක් හොයන්න ගියාම. මේ කෑල්ටත් "අනේ" ම දාලා බලමුද ?

 කඳුලුත් අනේ පිරෙයි
හසරැල් අනේ ගලයි
ඉවසුම් අනේ නොදෙයි
සොඳුරුයි අනේ හැඟුම් ......//
මේක ඉතිං බොළඳ ආදරයක් ගැන කියවෙන(මම හිතන විදියට) ගීතයක් නිසා. "අනේ" වෙනුවට "ඔහේ" යෙදුවත් කමක් නෑ. හැබැයි මාතර පැත්තට වෙනම වර්ෂන් එකක් ගහන්න වෙනවා. නැතිනම් වැරදි විදියට තේරුම් ගන්නවා. ආ තවත් බ්ලොග් කාරයෙක්ගේ නමක් මෙතන තියෙනවා. මාතර හසරැල්. මළ කෙලියයි මහරජ කියන්නේ ඕවට තමයි. හසරැල් ඔහේ .... කිව්වම, ඒකා මාව හොයාගෙන එන්නත් බැරි නෑ. උන්නැහේ කොහම හැටි වෙතත් අක්ක නම් මට බොරැල්ලේදී ළඟදී මුණ ගැහුණා. 

මේ මාතෘකාව ගන්න තවත් හේතුවක් තමයි. මාව ලියන්න උනන්දු කරපු ගොඩගම චන්දිමා මගෙන් දවසක් අහපු කතාව. එයාට අනුව "මේ තරම් සියුමැලිද කළුගල්" කියන සුනිල් එදිරිසිංහයන් කියන සමුද්‍ර වෙත්තසිංහ (මතකය නිවැරදි නම්) ලියපු ගීතයත් ඔය වගේ. මගෙන් ඒකට හේතුව එය ඇහුවා. මම කිවුවා එදා ලියපු අය සහ අද ලියන අය අතර ලොකු ගැප් එකක් තියෙනවා කියළා. හැබැයි වැඩේ තියෙන්නේ ඒ ගීතයෙත් තියෙන්නේ මේ රිදම් කේස් එකදෝ කියළා මට දැන් හිතෙනවා. හැබැයි මම චන්දිමාට දුන්නේ වෙනස් පිළිතුරක්. ඒ පලවෙනි කොටසේ තියෙන සුභාවිත ගතිය මැද කොටස් වලදී සරළ ඒ වගේම වාර්තාමය ගතිය නිසා අඩු වෙලා කියළා.

31 comments :

  1. https://gadyanohothkavi.blogspot.com/?view=magazine

    මගේ බ්ලොග් පත්තරේට දාපු පළවෙනි බ්ලොග් ළිපිය මචෝ....

    ReplyDelete
  2. ඔහේ එහෙනං සින්දුත් ලියනව.

    ReplyDelete
    Replies
    1. නොකරන මළ දානයක් නෑ. හිටං

      Delete
  3. ඔය පිලිමය කරගන යනකොට ඩැමේජ් වෙලා , ගිය දවසක බලන්න , වැඩ නවත්තපු හේතුව හොදට පේන්න තියනවා , සමහරු කියන්නේ අවුකන කලින් ඉවර උන හන්දා මිටියෙන් කෙලියා කියලා

    ReplyDelete
    Replies
    1. උඹ ගිය ආත්මේද දන්නේ නෑ. ඔය වගේ මිටියෙන් කෙලින වැඩ වලට උඹ ගජ හපනා.

      Delete
  4. පපුව පැලිලා මරුනා නෙමයි...පාරද උනෙ මල්ලිට නිසා ඔහු පිලිමෙ උඩ ඉදාලා බිමට පැනලා මරුනා...මේ පිලිම දෙකම මගෙ ප්‍රාන්තෙට ලගයි..

    ReplyDelete
    Replies
    1. ඔව් ඉතිං එතකොට අලියට පෑගුනා වගේනේ.

      Delete
  5. කො ගිය සැරෙ කෙමෙන්ට් වලට උත්තර??????????????????????

    ReplyDelete
  6. අයියන්ඩි උබ ආයමත් ලියනවා..කෙමෙන්ට් දානවා...එකටනම් පපුව පිරෙනවා..

    ReplyDelete
    Replies
    1. මගෙ කෙමෙන්ට් වලට උත්තර දෙනෙනෙ නතුව අනිත් එවාට දිලා ඇයි අයියන්ඩි මම එක්ක අවුලක්ද?

      Delete
    2. පිස්සුද බං ? කවදාවත් එන්නේ නැති කෙනෙක් ඇවිත් තොරතුරු ගොඩාක් ගැන විස්තරයක් දාල තිබුණ නිසයි එතැනට මුලින් ගියේ. අනික උත්තර නොදැම්මත් උඹ මා එක්ක අවුලක් ගන්නේ නැති බව මම දන්නවා. ඒ නිසයි මේක පස්සට තියා ගත්තේ.

      Delete
    3. එහම කොහමද ශප් වෙන්නෙ එහනම් අඩියක් ගහලා මෙ ගැන කතා කරමු..

      Delete
    4. තාමත් බ්‍රෑන්ඩ් එක ගල්මද ?

      Delete
    5. උබ එක්ක බොනවනම් සතුටින් කසියා හරි බොනවා...

      Delete
  7. සුන්දර ගීතයක් පිලිබඳ විවරණයක්.මේ ගැන සුබ පැතුම් අයියේ !

    ReplyDelete
    Replies
    1. බොහොම ස්තුතියි ඔයාටත්.

      Delete
  8. රැස්වෙහෙර, අව්කන, පිදුරංගල වැනි ස්ථාන වල නිර්මාණය කොට ඇති බුදුපිලිමත් මෑතක නෙලන ලද රම්බඩගල පිළිමයත් දැකබලගනීම පිණිස; ලබන මස චාරිකාවක නිරතවීමට බලාපොරොත්තු වෙමි. මේ දිනවල, ගමන කිසියම් අයුරකින් අවබෝධයක් ඇතිව යාමේ අරමුණින් අන්තර්ජාල ලිපි සොයමින් සිටිනා අතර ඔබගේ ලිපිය නෙත ගැටුන.

    {සමාවන්න මෙම ලිපියේ මා කියවුයේ මුල් චේද දෙක පමණි. (සින්දු පිලිබද ඇති කොටස් සමග මුළු ලිපියම, ඉඩකඩ ලැබෙන පරිදි ඉදිරි දිනක කියවීමට බලාපොරොත්තු වෙමි)}

    මෙහි ඔබ සදහන්කොට ඇති අව්කන සහ අව්කනට එහා පිළිමය සම්බන්ද ජනප්‍රවාදය මෙන්ම මේ හා සම්බන්දව ඇති තවත් බොහෝ ජනප්‍රවාද සමග වෙනත් වටිනා කරුණු කාරණා අන්තර් ජලය ඔස්සේ පහසුවෙන් සොයාගත හැක.

    කෙසේවුවත් මෙම පිළිම දෙක වෙනස් කාල දෙකකදී වෙනස් රජවරු යටතේ කලබවට පිළිගත හැකි තොරතුරු කියවීමට ලැබුණ. මේ පිලිබද තොරතුරු (ඉතිහාසය මෙන්ම පිළිම දෙක අතර ඇති වෙනස්කම් වැනි) දැනගැනීමේ උනන්දුවක් ඇති අයෙකු වෙත කියවීමට පහසු වන්නට පහත links කිහිපය සටහන් කිරීමට, අවසර.

    http://www.budusarana.lk/budusarana/2015/03/20/PrintPage.asp?REF=temp01

    http://www.divaina.com/2012/05/21/pansala02.html

    පහත youtube වීඩියෝවේද වැදගත් තොරතුරු කියවෙනවා. (මෙම වීඩියෝවේ 1.30 මිනිත්තුවේ සිට එම තොරතුරු කියවෙනවා.)

    https://www.youtube.com/watch?v=1X8ZiA0Fp4Q

    සිත් පිත් නොමැති කළුගලක මෙවැනි සියුම් මටසිලිටි ලියකම් නෙලීමට එදා තිබු තාක්ෂණය මොහොතක් සිතුවොත් .....

    ස්තුතියි!

    ReplyDelete
    Replies
    1. මොන තාක්ෂණයවත් නෑ... රාජ අණයි... මිටියයි... ගල් කටුවයි... නැත්නම් බඩු බනිස්...

      Delete
    2. බොහොම ස්තුතියි ලින්ක් වලට.

      Delete
  9. This comment has been removed by the author.

    ReplyDelete
    Replies
    1. අවුකන හා රැස්වෙහෙර ගැන පුරා විද්‍යාඥ මතයක් තියනවා. මං හිතන්නෙ ඒක සෑහෙන කාලයක ඉඳන් තියනවා ඒත් මට මෑතකදී කිව්වෙ මහාචාර්ය මාලිංග අමර සිංහ (කැලණිය )
      කලුගල් (Gneiss) ස්වභාවය එකිනෙකට වෙනස් වෙනවා. අවුකන කලුගල පිලිම නෙලීමට ඉතා සුදුසුයි. රැස්වෙහෙර කලුගල ඊට වඩා තද වැඩ කිරීමට අපහසු ගලක්. එහෙත් රැස්වෙහෙර පර්වතයේ පිහිටීම අවුකනට වඩා පෙනුම හොඳයි (imposing location). අවුකන වලක වගේ, රැස්වෙහෙර උසක.
      පිලිමයකට ඉතා හොඳ තැනක් නිසා කලාට කලුගලේ ස්වාභාවය නිසා රැස්වෙහෙර පිලිමයේ නෙලීම් කොලිටි එක අඩුයි.
      අවුකන පර්වතය. නෙලීමට පහසු නිසා වැඩේ කොලිටි එක හොඳයි

      Delete
    2. ඒකෙත් හැටි බලන්න. ස්තායන හොඳ වෙනකොට පර්වතය හොඳ නෑ, පර්වතය හොඳ වෙනකොට ස්ථානය හොඳ නෑ. බොහොම ස්තුතියි ප්‍රා තොරතුරු වලට.

      Delete
  10. මොකක් හරි හේතුවකට මට මේ බ්ලොග් එකේ යන පොස්ට් ක්‍රෝම් වලින් කියවගන්න බෑ

    ReplyDelete
    Replies
    1. මටත් ඔය ප්‍රසනෙ තිබුනා..මෙ බ්ලොග් එක ලියන කෙනටයි...පොස්ට් වලට කෙමෙන්ට් දාන් 4 දෙන්කුටයි බොන්න අරන් දුන්නාම හරි යනවා..

      Delete
  11. කලාවැව ළඟ ඉලුක්හේනක මැටි පිලක පැදුරක් එලා
    රිදුම් පිරිමදිමින් බලයි ඔහු මැරෙන ඉපදෙන රළ දිහා
    මැරෙන ඉපදෙන රළ දිහා

    ඉසුරුමුණියේ නුබ මැවූ පෙම්වතිය කෝ කොහේදැයි කියා
    මා ඇසූවිට හිනැහුණා ඔහු තවම තනිකඩයයි කියා
    තවම තනිකඩයයි කියා

    සැබෑ කලාකරුවන් තම නිර්මාණයන් පිලිබඳ උදම් අනන්නේ නැත . ඔවුන් එය රසවින්දනය කර තෘප්තිමත් වෙති.

    ReplyDelete
  12. ලස්සනයි විචාරය..වින්දා

    ReplyDelete

කියන්නට කිසිත් නැතිනම්, ඔබ ආ බවට සටහනක් තබා යන්න.

ඉස්සන්, මගුරන්, ලොකු වැලිගොව්වන් ....

89/90 අඳුරු යුගය(Dark Era 89/90) ( 9 ) pinth ( 1 ) අතීත සොඳුරු මතක (Fond Memories / Nostalgic stuff) ( 13 ) අතීතකාමය (Nostalgia) ( 5 ) අනතුරු (Accidents) ( 1 ) අමතක වන්නට පෙර(Before Forget it ( 7 ) අවන්හල් (Restaurants) ( 4 ) ඇතුල් පැත්ත ( Inside Story ) ( 1 ) ඉවුම්-පිහුම්(Cooking) ( 1 ) එළුපැටියාගේ කතා (Baby Goat Stories) ( 1 ) ඔබේම දෑතින් (Doo it yourself) ( 6 ) කළුතර මහා විද්‍යාලය ( Kalutara Maha Vidyalaya ) ( 4 ) කාළීන(Current Issues) ( 65 ) කුතුහලය(Curiosity) ( 70 ) කෙටි කතා (Short Stories) ( 1 ) ක්‍රිකට් (Cricket) ( 8 ) ක්‍රිකට්(Cricket) ( 32 ) ක්‍රීඩා(Sports) ( 19 ) ක්‍රෙඩිට් කාඩ්(Credit Cards) ( 8 ) ගණිත ගැටළු (Mathematical Problems) ( 4 ) ගමේ චරිත(My Villagers) ( 11 ) ගැටළු (Competitions) ( 2 ) ගීත ( Songs ) ( 2 ) ගෘහස්ථ කාරණා (Household Matters) ( 2 ) චිත්‍රපට(Movies) ( 3 ) ජීවන අත්දැකීම් ( Life Experience) ( 45 ) තාක්ෂණය(Technology) ( 18 ) දැකීම ( Observations ) ( 1 ) දැනුම(knowledge) ( 58 ) දේශපාළණ(Political) ( 14 ) නින්ද (Sleep) ( 2 ) නුවර එලිය ( Nuwara Eliya ) ( 1 ) පරිවර්තන (Translations) ( 33 ) පර්යේෂණ(Research) ( 16 ) පාපන්දු(Football) ( 14 ) පිටසක්වල ( Extra Terrestrial ) ( 1 ) පොත් (Books) ( 3 ) ප්‍රථමාධාර(First Aid) ( 1 ) බෙන්තොට (Bentota) ( 2 ) බෙන්තොට ක්‍රීඩා සමාජය(Bentota Sports Club) ( 3 ) බෙන්තොට බීච් හෝටලය ( Bentota Beach Hotel ) ( 1 ) මං සලකුණු ( Milestones ) ( 7 ) මගේ දුව(My Daughter) ( 11 ) මගේ පියා (My Father) ( 2 ) මගෝඩි වැඩ (Humours) ( 4 ) මට හමු වූ අමුතු චරිත Rediculous people I met ( 3 ) මට හමු වූ මිනිසුන් ( People I met ) ( 6 ) මහජන බැංකුව (People's Bank) ( 5 ) මා ලියු කවි ( My Poems ) ( 1 ) මොබයිල්(Mobile) ( 3 ) යෝජනා (Proposal) ( 1 ) රිවරිනා හෝටල් (Riverina Hotel) ( 3 ) රූපවාහිනී වෙළඳ දැන්වීම් ( TV Commercials ) ( 1 ) රෙඩ්බුල් කැම්පස් ක්‍රිකට්(Redbull Campus Cricket) ( 11 ) ලොල් කතා(Funny Stories) ( 55 ) විද්‍යා ප්‍රබන්ධ( Science Fiction ) ( 1 ) විනෝදාත්මක(Entertainment) ( 115 ) විවේචන(Critics) ( 56 ) ව්‍යායාම(Excercises) ( 3 ) සංචාරක(Travel) ( 24 ) සාකච්චා(Interview) ( 8 ) සුදීක(Sudeeka) ( 94 ) සෞඛ්‍යය( Health ) ( 2 ) හැඟුම්බර(Emotional) ( 43 ) හිරුආරක්ෂණ(Sun Protection) ( 2 ) ෆේස්බුක් (facebook) ( 1 )

මේවත් කියවා බලන්න

Related Posts Plugin for WordPress, Blogger...